I-Accessibility setting

Khetha ulwimi

Yiya kwelilandelayo

Yiya kwinkcazelo

AmaNgqina KaYehova

IsiXhosa

Ngaba Ixesha Esifa Ngalo Libekwe Kwangaphambili?

Ngaba Ixesha Esifa Ngalo Libekwe Kwangaphambili?

Impendulo esuka eBhayibhileni

Akunjalo. Ixesha esiza kufa ngalo alibekwanga kwangaphambili. Kunokuba sikholelwe oko, iBhayibhile ithi ukufa kubangelwa “lixesha nasisihlo esingenakubonwa kwangaphambili.”—INtshumayeli 9:11.

Kanti iBhayibhile ayithi kukho ‘ixesha lokufa’?

Ewe iyatsho, kwiNtshumayeli 3:2 kubhalwe oku: “Kukho ixesha lokuzalwa nexesha lokufa; kukho ixesha lokutyala nexesha lokuncothula oko bekutyaliwe.” Eyona nto ithethwa yile vesi kukuba, kukho izinto ezihlala zikho okanye ezihlala zisenzeka ebomini. (INtshumayeli 3:1-8) UThixo akabekanga xesha esiza kufa ngalo. Okona kubalulekileyo kukuba asimele sizixakekise ngezinto ezingenamsebenzi kangangokuba simlibale uMdali wethu.—INtshumayeli 3:11; 12:1, 13.

Ubomi bunokwandiswa

Nakubeni ubomi esibuphilayo bunamahla-ndinyuka, sinako ukubandisa ukuba senza izigqibo zobulumko. IBhayibhile ithi: “Umthetho wesilumko ngumthombo wobomi, ukuze kususwe ubani kwimigibe yokufa.” (IMizekeliso 13:14) Ngendlela efanayo, uMoses waxelela amaSirayeli ukuba ‘yayinokolulwa imihla yawo’ ukuba ayenokuthobela uThixo. (Duteronomi 6:2) Kodwa ke, sinokuyicutha imihla yobomi bethu xa sisenza ngokungakhathali.—INtshumayeli 7:17.

Enoba silumke kangakanani na, asikwazi ukukubaleka ukufa. (Roma 5:12) Kungekudala le meko iza kutshintsha, ngoba iBhayibhile ithembisa ukuba ‘akusayi kubakho kufa.’—ISityhilelo 21:4.

Funda Okungakumbi

Liyintoni Ithemba Ngabafi?

Kwenzeka ntoni kuthi xa sisifa? Ngaba siya kuze sibabone kwakhona abantu bethu esibathandayo abaye bafa?

Yintoni Injongo Yobomi?

Ngaba wakha wazibuza, ‘Yintoni injongo yobomi?’ Funda impendulo yalo mbuzo eBhayibhileni yakho.