Iividiyo ezithi, Yiba Ngumhlobo KaYehova, ezineengoma noopopayi uSihle noAvela ziyathandwa kakhulu. Abazali nabantwana babo baye basibhalela bebulela ngezi vidiyo. Nantsi imizekelo yeeleta abasithumelele zona:

  • “Enkosi ngeDVD ethi, ‘Phulaphula, Thobela Uze Usikelelwe.’ Ndiyibukela yonk’ imihla kunye nonodoli wam.”—UZach, ona-5.

  • “Ingoma entsha indenze ndazi ukuba uYehova uyandithanda ibe ufuna ndithandaze nanini na.”—UMikariah, ona-6.

  • “Ndifunde isifundo sokuthobela abazali bam nokuba ndifanele ndicoce. Enkosi ngokusenzela le muvi yabantwana.”—UNicole, ona-8.

  • “Enkosi kakhulu ngale vidiyo. Ibimnandi, ibihlaziya ibe ndiyayithanda.”—UMckenzie, ona-5.

  • “Ndiyazithanda iividiyo ezithi, Yiba Ngumhlobo KaYehova. Ndizibukela yonk’ imihla. UYehova wenze kakuhle ngokunicingisa ukuba nizenze.”—UAva, ona-8.

  • “Ndiyakuthanda ukubukela ezi vidiyo. Ndizama ukufunda zonke iingoma. Ezi vidiyo zindenza ndimthande uYehova.”—UDevon, ona-4.

  • “Ingathi ayisafiki ividiyo elandelayo kaSihle. Niyibambe ngolo hlobo.”—UVance, ona-8.