Skip to content

Skip to secondary menu

Saksi-Saksi Yehuwa

Dayak Tomun

Apa Kunci age Kaluarga Bahagia?

Apa Kunci age Kaluarga Bahagia?

Manurut Dongan, inyan te . . .

  • cinta?

  • duit?

  • yang bukainya?

 JOLU APA YANG ALKITAB PANERAN

”Lobih babahagia urak yang mandingaan paner Allah gan malakuannya!”Lukas 11:28, Bahasa Indonesia Masa Kini (BIMK).

GUNANYA AGE DONGAN

Kita suba manomuan cinta yang sabonarnya.Efesus 5:28, 29.

Laki bini salik manyayak’ae gan mahormat’ae.Efesus 5:33.

Laki bini salik parcaya gan rukun damai.Markus 10:6-9.

 SUBA ANTAH KITA PARCAYA JOLU APA YANG DIPANERAN ALKITAB?

Suba. Sadikitnya ada dua alasan:

  • Allah yang manjawat kaluarga. Alkitab bapaner, Yehuwa manjadian lalaki gan batina jadean mangawinan sia’. (Kejadian 2:18-24) Jadi, satiap kaluarga dijawat Allah Yehuwa. Jolu apa pangaruhnya age kita?

    Cuba pikeran: Amun Dongan mamakat lomang hulas yang asanya palik nyaman, habis inyan Dongan hona mambulahnya, ka sopa Dongan mananya’an resepnya? Pasti ka urak yang mambulahnya.

    Uba inyan jam, amun Dongan hona mangataho’ae resep kaluarga bahagia, Dongan saharusnya maminta bimikan ka Allah Yehuwa sabagai Panjawat kaluarga.

  • Allah paduli agan kita. Samua kaluarga kahona’nya mangoyap’ae nasehat Yehuwa, yang Sia sadia’an dalap Alkitab. Ma’apa? ’Lobe Sia mampadulian Dongan.’ (1 Petrus 5:6, 7) Yehuwa mahona’ae yang palik bae’ age Dongan. Nasehat-Sia pasti hala bonar!Amsal 3:5, 6; Yesaya 48:17, 18.

 AGE DIPIKERAN

Uba apa Dongan suba jadi laki, bini, atau uma bopa yang bae’?

Alkitab manjawap partanyaan inyan di EFESUS 5:1, 2 gan KOLOSE 3:18-21.