Skip to content

Skip to secondary menu

Saksi-Saksi Yehuwa

Dayak Tomun

Suba Antah Kasusahan Dihilak’ae?

Suba Antah Kasusahan Dihilak’ae?

Apa jawapan Dongan?

  • Suba.

  • Antah suba.

  • Antah tahu.

 JOLU APA YANG ALKITAB PANERAN

”Allah . . . pacaan mahapus samua arae mata sia’, antah ada lagi kamatian, antah ada lagi kaadaan baduka, atau tangisan.”Penyingkapan (Wahyu) 21:3, 4, Terjemahan Dunia Baru.

GUNANYA AGE DONGAN

Kita tahu panyobab masalah bukainya dari Allah.Yakobus 1:13.

Kita tahibor lobe kita tahu Allah paduli agan parasaan kita.Zakharia 2:8.

Kita mandapat harapan amun samua kasusahan pacaan dihilak’ae.Mazmur 37:9-11.

 SUBA ANTAH KITA PARCAYA JOLU APA YANG ALKITAB PANERAN?

Suba. Sadikitnya ada dua alasan:

  • Allah mambonci’ kasusahan gan ka’antah-adilan. Uba apa parasaan Allah Yehuwa pas umat-Sia ropat dikasakit’ae lohuani? Alkitab mamaneran, hati Allah salu’ bonar maniat umat-Sia mandapat parlakuan kejam.—Hakim 2:18.

    Allah mambonci’ urak yang menyakit’ae urak bukai. Misalnya Alkitab bapaner, Sia mambonci’ urak yang mambunoh ”urak yang antah basalah”.Amsal 6:16, 17.

  • Allah paduli ka kita masik-masik. Yehuwa mahunak kita age mambuak’an kakawateran kita ka-Sia ’lobe Sia mampadulian kita’.—1 Petrus 5:7.

Malalo’ae Karajaan-Sia, Yehuwa pacaan sacopatnya mahilak’ae kasusahan satiap urak. (Matius 6:9, 10) Sabolup inyan tajadi, Allah mahibor samua urak yang bonar-bonar mangoyap’ae Sia.—Kisah 17:27; 2 Korintus 1:3, 4.

 AGE DIPIKERAN

Ma’apa Allah ma’ijitan kasusahan?

Alkitab manjawap partanyaan inyan di ROMA 5:12 gan 2 PETRUS 3:9.