Skip to content

Skip to secondary menu

Saksi-Saksi Yehuwa

Dayak Tomun

Jolu Apa Karajaan Allah Inyan?

Jolu Apa Karajaan Allah Inyan?

Manurut Dongan, apa inyan . . .

  • ada di dalap hati kita?

  • tompat tingal Allah?

  • pamarintahan di surga?

 JOLU APA YANG ALKITAB PANERAN

”Allah di surga pacaan maniri’an satu karajaan yang pacaan batahat salamanya.”Daniel 2:44, Bahasa Indonesia Masa Kini.

”Satu ana’ jadi laher age kita, satu ana’ lalaki jadi dikonyu’ ka kita, tana’ pamarintahan ada di pucu’ bahu-sia.”Yesaya 9:5, Terjemahan Baru.

GUNANYA AGE DONGAN

  • Dongan suba hidup damai di babah pamarintahan yang adil gan suba diparcaya.—Yesaya 48:17, 18.

  • Dongan suba sehat gan bahagia salamanya di bumi baharu.—Penyingkapan (Wahyu) 21:3, 4.

 SUBA ANTAH KITA PARCAYA JOLU APA YANG ALKITAB PANERAN?

Suba. Sadikitnya ada dua alasan:

  • Yesus jadi manunyu’an apa yang suba dijawat Karajaan Allah. Yesus malajar’ae murid-sia badoa age Karajaan Allah datak gan age apa yang Allah kahona’ae tajadi di bumi. (Matius 6:9, 10) Yesus mangonye’ae bukti amun doa inyan pacaan dijawap.

    Pas di bumi, Yesus mangonye’ae makat urak yang lapar, maubat’ae urak yang sakit, gan mahidup’an urak yang mati! (Matius 15:29-38; Yohanes 11:38-44) Ini mambuktian nonanya pas Yesus jadi raja di Karajaan Allah, sia pacaan malakuan jolu apa pan yang lobih bae’ age mansia.—Wahyu 11:15.

  • Kaadaan duatiga areani manunyu’an Karajaan Allah antah lamat lagi datak. Yesus bapaner, sabolup Karajaan Allah mamulah bumi manjadi damai, dunia ini pacaan mangalapʼae paparakan, kalaparan, gan gempa bumi.—Matius 24:3, 7.

    Na inyan am yang kita tiat duatiga areani. Jadi, kita suba parcaya antah lamat lagi Karajaan Allah mahilak’ae samua masalah di dunia ini.

 AGE DIPIKERAN

Berkat apa yang pacaan dikonyu’ ka urak yang mandukuk Karajaan Allah?

Alkitab manjawap partanyaan inyan di MAZMUR 37:29 gan YESAYA 65:21-23.