Skip to content

Skip to secondary menu

Saksi-Saksi Yehuwa

Dayak Tomun

Jolu Apa Alkitab Inyan?

Jolu Apa Alkitab Inyan?

Manurut Dongan, inyan te . . .

  • buku sangan?

  • antah asli lagi?

  • paner Allah?

 JOLU APA YANG ALKITAB PANERAN

”Samua yang ditulis di dalap Alkitab, ba’asal dari Allah.”—2 Timotius 3:16, Bahasa Indonesia Masa Kini.

GUNANYA AGE DONGAN

Suba mandapat jawapan yang mamuasan mangona’ae apa yang banya’ ditanya’an urak.Amsal 2:1-5.

Nasehat yang palik suba diparcaya age kahidupan sahari-hari.Mazmur 119:105.

Suba mandapat harapan pasti age masa depan.Roma 15:4.

 SUBA ANTAH KITA PARCAYA JOLU APA YANG ALKITAB PANERAN?

Suba. Sadikitnya ada tiga alasan:

  • Samua isinya salik bakaitan. Alkitab ditulis dalap waktu sakitar 1600 tahut oleh 40 urak. Kabanya’an antah salik kanal. Tapi isi Alkitab antah basansalahan agan yang dikabarannya, samuanya mangona’ae Karajaan Allah!

  • Sajarahnya jujor. Bala panulis sajarah ropat antah mamadahan amun bangsanya kalah. Tapi, bala panulis Alkitab jujor agan manulisan kagagalan gan kasalahan inya atau pan bangsanya.—2 Tawarikh 36:15, 16; Mazmur 51:1-4.

  • Ramalan yang suba diparcaya. Lobih dari 700 tahut sabolupnya, Alkitab mamaneran amun Mesias yang dijanyi’an pacaan laher di Betlehem, kota kocit di tanah Yudea. (Mikha 5:2) Di mona dingan am Yesus laher? Au, memang bonaram di siat!—Matius 2:1-6.

Ramalan Alkitab yang bukainya banya’ am yang tajadi, sampe ka bagian yang palik kocit. Inyan manunyu’an Alkitab bonar-bonar dari Allah.—2 Petrus 1:21.

 AGE DIPIKERAN

Uba apa Alkitab suba manjawat kahidupan Dongan lobih bae’?

Alkitab manjawap partanyaan inyan di YESAYA 48:17, 18 gan 2 TIMOTIUS 3:16, 17.