Skip to content

Suba Antah Urak Mati Hidup Lagi?

Suba Antah Urak Mati Hidup Lagi?

Apa jawapan Dongan?

  • Suba.

  • Antah suba.

  • Antah tahu.

 JOLU APA YANG ALKITAB PANERAN

’Samua urak mati pacaan dihidup’an lagi.’—Kisah 24:15, Terjemahan Baru.

GUNANYA AGE DONGAN

Tahibor amun ada urak yang Dongan kasehe’ mati.2 Korintus 1:3, 4.

Antah am talalu gola’ agan kamatian.Ibrani 2:15.

Ada harapan pasti age batomu lagi agan urak yang mati.Yohanes 5:28, 29.

 SUBA ANTAH KITA PARCAYA JOLU APA YANG ALKITAB PANERAN?

Suba. Sadikitnya ada tiga alasan:

  • Allah Panjawat kahidup’an. Alkitab manyobut Allah Yehuwa ’asal mula kahidup’an’. (Mazmur 36:9; Kisah 17:24, 25) Sia yang mangonyu’ kahidup’an pasti suba mahidup’an lagi urak yang mati.

  • Allah kala mahidup’an mansia. Alkitab mangesahan ada dalapat kajade’an urak mati dihidup’an lagi di bumi. Ada yang tuha, muda, lalaki, gan batina. Ada yang baru mati, jadean ada yang dikubor salama ompat ari am!—Yohanes 11:39-44.

  • Allah hona bonar nonanya mahidup’an urak yang mati. Yehuwa antah sonang amun ada urak yang mati, malah kamatian Sia angap uba musoh. (1 Korintus 15:26) Yehuwa antah sabar lagi manyikeran kamatian agan mahidup’an urak mati. Sia hona bonar age samua urak yang Sia kasehe’ suba hidup lagi di bumi.—Ayub 14:14, 15.

 AGE DIPIKERAN

Ma’apa kita manjadi tuha gan mati?

Alkitab manjawap partanyaan inyan di KEJADIAN 3:17-19 gan ROMA 5:12.