Yehuwa mangonyuʼ banya’ berkat ka Adam gan Hawa. Kejadian 1:28

Yehuwa manjawat batina yang samula, namanya Hawa, gan manjadiannya bini Adam.​—Kejadian 2:21, 22.

Yehuwa manjawat Adam gan Hawa agan pikeran gan tuboh yang sampurna, antah ada yang cacat.

Tompat tingal sia’ di Firdaus, taman yang sega’—ada sungai-sungai, kampuk buah, gan bala binatak.

Yehuwa bapaner gan malajar’ae sia’. Amun sia’ mandingaan Yehuwa, sia’ suba hidup salamanya di bumi.

 Allah manjangki sia’ makat buah dari sakayo’u pohon. Kejadian 2:16, 17

Yehuwa manjangki Adam gan Hawa makat buah dari sakayo’u pohon di taman inyan. Amun dimakat, sia’ mati.

Ada satu malaikat jahe’ yang malawat Allah. Inya disobut Setat.

Setat antahnya hona Adam gan Hawa manaat’ae Yehuwa. Makanya, Setat manggunaan ular age mamaneran ka Hawa amunnya makat buah pohon inyan te antahnya mati, tapi manjadi uba Allah. Inyan tamaha katumukan Setat.​—Kejadian 3:1-5.