Skip to content

Skip to secondary menu

Hakahi-hakahi nai Yehuwa

Kambera (Sumba Timur)

Na pa mayila wangu ningu ka ihhi dira na?

Na pa mayila wangu ningu ka ihhi dira na?

Nggiki wanna ka na hiama Mu?

  • Pinya.

  • Ndia.

  • Nda pa-pinya.

 NGGARRA WANNA NA PULUNGU

”I Ala na pa na podahu halaha da wai mata welingu la matada. Na meti nda hilu nianyapa, na hawina, na hii, jaka ndia na hidu-mbu nda hili ni-mbunyapa.”—Pabowangu 21:3, 4, Na Huratu Matua.

NA LINGNGU NA BA PINYA

Pi-du ndanya ka ba nda jia i Ala na ma pa harui ta nyuta.—Yakupu 1:13.

Nyuta ta hanangu ba ta pinya i Ala la ka nandingu nda.—Hakaria 2:8.

Monung ndanyaka ba nda-ningu’a pa mayila.—Pamalangungu 37:9-11.

 TA PARAHAYA YA KA NA IHI NA MBUKU PULUNGU?

Ya. Dua ba ta na:

  • I Ala ndana mbuhangu’a jaka ta mayila. Ammangu, da ma tundu nya i Huwa da pa njadi ha ata, nggiki wanna ba ka i Ala bana itta ha da atana ba da harui? Wanna la pulungu dira handuka ya na eti na bana itta ha da atana da ma harui.Hakim 2:18, Na Huratu Matua.

    I Ala na-karau-nja eti da tau na ma pa-hidu eti angu da. Wanna na pulungu na ”na limma na ma pameti tau na ma ndaningu njalangu.” I Ala na-karau-nja eti.—Pangerangu 6:16, 17.

  • I Ala na ha-mata mara ha-atu ta. I Ala Huwa na ndunda-ta nyuta ka ta pabuku daba-nya na handuka da ’ka nadu ba ihili-manggai’.—1 Peturu 5:7.

    Welingu la pa hanganji Na ndana pa mandai’a ya pa na mayila nda. (Matiu 6:9, 10) La rehi nahhu i Ala Huwa na pamandu nja da eti da tau da ma himbu-Ya pa-welingu eti-ngu.—Pa-pahurungu 17:27; 2 Korinitu 1:3, 4.

 PANGADA NYA WA

Ka nggiki na i Ala na pulli-nya na pa-mayila wangu?

Na hiama na ninya la RUMU 5:12 dangngu 2 PETURU 3:9.