ATSIMIDZAꞌRETSE! Ĩtsõrédzé 2, 2019 na | 6 roti norĩ rowahutu da aiꞌra ma
6 Roti norĩ rowahutu da aiꞌra ma
E niha te atsima ĩwẽ aiꞌra hã ꞌre höimana mono da prédu wamhã.
ꞌre tsitété waihuꞌu petse mono da
tsiꞌmadöꞌödzei ãna höimana da
marĩ dzô ꞌre tsiwatsutu mono da
romhuri na te te ꞌre pibui petse mono da
höimana prédub da
tsena na höimana da
Aiꞌra norĩ hã ãne na tsiꞌuihö na ꞌre prédub dzaꞌra mono õ di dza. A hã ĩpawaptob dzaꞌra da tsi ãne na.
Ãhã ĩtsõrédzé te höiꞌré 6 roti norĩ hã aiꞌra norĩ ma rowahutu da. Ãhã roti norĩ te dza pawaptob dzaꞌra prédub dzaꞌra wamhã.
Datsitété waihuꞌu petse wamhã dama rowẽ di
E marĩ wa datsitétédzé ĩmorĩꞌrata uptabi duré e niha wa dza ãma uwaimrami dzaꞌra ni.
Dahöimana wapudzé dama rowẽdzé
Rowahutu wamhã aiꞌra ma höimana wapu da, tãma rowẽ di dza awaꞌawi duré prédu wamhã.
Marĩ dzô ꞌre datsiwatsutu mono wamhã dama wẽ di
Aiꞌuté norĩ ꞌre ĩtsiwatsutu dzaꞌra mono hã te dza ꞌwapé wẽ dzaꞌra ropire mono hã prédub dzaꞌra wamhã.
Atsimiꞌẽ na aihöimana wamhã, aima robdze ti dza
E niwa niꞌwa te dza waihuꞌu tsimiꞌẽ na höimana. E dzahadu aiꞌuté ré e prédu waptsi.
Ĩwẽ aiꞌuté norĩ ĩprédum norĩ tsiré höimana dzaꞌra da
Aiꞌuté norĩ ma ĩhöimana da tsi roti ĩwẽ dahöimanadzém na. E mame te dza tsõpẽtẽ dzaꞌra.
Roti dadzaprõnidzéb dzarina dahöimana wamhã dama wẽ di
Roti dadzaprõnidzém na aiꞌra ma rowahutu wamhã, rowẽ na te dza ꞌre höimana prédu wamhã
Duré ĩpawaptobdzé damama duré dana ma.
Damama duré dana norĩ wi te duré tiriwaptöꞌö dzaꞌra roti ĩwẽ dahöimana wẽ dzéb da hã. Waihuꞌu da duré ꞌmadöꞌö jw.org.
