Skip to content

Skip to table of contents

Wichi toj yen Lhometa Heowa

Select language wichi

 LHIP 7

Mʼak toj is che lewoye toj lechufwen ales

Mʼak toj is che lewoye toj lechufwen ales

«Tihi ahusek nilhokej lhämtes tä ofwel amho ifwalana, wet [...] lechufwenejen ales» (Deuteronomio 6:6, 7).

Lewhay toj Heowa yenlhi nilhokej wichi toj lewʼet lheley ihi, neʼte pʼantek lajchalis toj itetshan leles (Colosenses 3:20). Toj ahope nʼojcha, is che alhen lewoya toj lechufwen ales hopkhilak ihumin Heowa wet che thanhay hopkhihena iyhaj toj itetshan mʼak toj iwoye (2 Timoteo 1:5; 3:15). Hate is che letafwelej mʼak toj ihi ales lehusey. Am is che lepayne mʼayhay toj lewoye hopkhilak lhamel iten. Lenʼayij toj matche toj is alhoho toj lechufwenej ales Dios Lhomtes, toj ichun is che talh amho toj lehumin (Salmo 40:8).

 1 IS CHE LETACHʼOTE ALES TOJ IWATLAK YAMHOPLHI AMHO

MʼAK TOJ BIBLIA YOME: «Aʼen chʼahunaja, yej kelej chik letahuy wet yej alhen awäkyhatsaja» (Santiago 1:19). Am lehuminchek ihichetʼa mʼak che hope che inuhla toj ales ifwel amho mʼayhay toj ilate toj ihi lehusek. Mat am is che lenʼaltej toj lewatlak letachʼahuye lewhay at che hope mʼak toj lhamel ihuminchek ifwel amho. Is che lhamel ihanej toj atamsek ihihla tʼat che tahuy amej, toj malhyejtso atahitʼala che lhamel ifwel amho mʼayhay toj ilate toj ihi lehusey (Santiago 3:18). Che lhamel fwetaj ahopkhila elh toj ayteschehen lhomtes wok hope elh toj lakey toj iwo lekalelhthayaja, iwathit’alahlak ifwel amho nilhokej mʼayhay toj yen letichunhayaja. Is che atelaytshantsaj wet is che nilhok lewhay toj lefwenhopej toj lehumnhen (Mateo 3:17; 1 Corintios 8:1).

MʼAK TOJ IWOYEK LEWOYE:

  • Is che letiyej kanhi iyhaj mʼayhay lewhay che ales iwatlak yamhoplhi amho

  • Nilhok lewhay is che lhamhopwetha ales, isitʼa che tajlhamet toj lhamhopwetha che lewitʼayhyajay ihi

2 ALEKHAJYENEJ HOPKHILAK LETAFWELCHE MʼAYHAY TOJ LHAMENYA TOJ IWATLAK IFWEL AMHO

MʼAK TOJ BIBLIA YOME: «Hinʼo lhämtes hätet iwoye inät tä pitoj» (Proverbios 18:4). Ihichela lewhay toj is che alekhajyenej toj letafwelche mʼayhay toj lhamenya toj ales iwatlak ifwel amho wet letetshan atsi mʼak toj lhamya toj ihi lehusek. Mamses wet lhutshay ichepej lewhay toj hichʼatchehen lhomtes wok yome mʼayhay toj khitʼa toj yen letichunhayaja. «Elh tä nitchʼahuyaye mʼak tä õyäme wet ichunkatphä lhämet tä iwoye, lehusek ihihitʼa wet wichi iläkwlhi» (Proverbios 18:13). Toj malhyejtso, yej kelej che afwitsaj (Proverbios 19:11).

MʼAK TOJ IWOYEK LEWOYE:

  • Che mʼak at che hope toj as ifwel amho, isitʼa che lhiset toj yamhoplhi amho, che leseltej wet lechuwete toj lelate toj ifwel amho

  • Is che letichunla mʼak toj iamej pʼante lewhay toj aka nekchom malhyej pʼante iwoye lham wet atsi pʼante mʼak toj wʼawulhitche matche toj laha ihi

 3 IS CHE WʼAWULHCHA AMEL ATICHUNHAYAJAY

MʼAK TOJ BIBLIA YOME: «Yäs, chʼahuye ajcha tä aichufwen, wet yej leyej mʼak tä ako itäfwnhat amej» (Proverbios 1:8). Heowa hiwʼenho nʼojcha wet nʼoko lenʼohyaj toj is che lhayen lewoya leles. Nilhokej lhamel is che ichufwenej leles toj hopehen iyhaj toj yenhitʼa wʼet mʼayhaya iyhaj wet chʼahunhas (Efesios 6:1-3). Lhamel ihanej lewhay che lajcha wet lako nemhit «wʼawulhchä [le]tichunhayajay» (1 Corintios 1:10). Toj malhyejtso, isitʼa che ales hiwʼen che amel letataywek, tsi iwoyek lhamel iwo tesa toj ayen wʼet mʼayhaya.

MʼAK TOJ IWOYEK LEWOYE:

  • Tetshan wet wʼawulhatcha atichunhayajay toj lefwone ales

  • Che atichunhayaj malhnhiyejtʼa iwoye hachʼefwa letichunhayaj chi is che lewoyneje toj lefwone ales, alekhajyenej hopkhilak weihalhapej itafwelej elh letichunhayaj

 4 EN ATICHUNHAYAJA MʼAK TOJ LEWOHIYELA

MʼAK TOJ BIBLIA YOME: «Chufwenej mʼak tä is häp hanʼäfwaj yämthilek iwoye» (Proverbios 22:6). Che lewatlak is alhoho toj lechufwen ales, mʼak toj ichun toj is che lewoye hope toj lewaklhaten. Is che lekalelhatcha mʼak toj lechufwenhiyeja wet hate is che lefwone lhamel (Salmo 127:4; Proverbios 29:17). Toj nʼofwone hanʼofwaj, tsʼilakhitʼa toj is che nʼotasin, hate hope toj is che nʼotchʼote hopkhilak lhamel ihanej atsi toj tamenej toj is che iwoye mʼayhay toj nʼosukunej toj is che iwoye (Proverbios 28:7). Chufwenejen chi is che iwoyneje hopkhilak ihumin Dios Lhomtes wet itafwelej nʼolhomtes toj matchehen toj ihi (Salmo 1:2). Che lhamel iwoye tajtso lhaichiyhelthihena letichunhayajay toj ische alhoho (Hebreos 5:14).

MʼAK TOJ IWOYEK LEWOYE:

  • Is che alekhajyenej hopkhilak ales ihanej toj Dios iche wet lhamel iwoyek tʼekhaye

  • Chʼotehen hopkhilak itafwelej wet itiyej kanhi mʼayhay toj inityenej che iwoye mʼayhay toj niʼisache alhoho, malhyej mʼayhay toj ihi Internet wok iyhaj mʼayhay toj ihi toj wichi ichumyenlhi hopkhilak tʼukwe lakalayʼis. Chufwenej lhamel hopkhilak tekawayhla atsinhay wet hinʼul toj thanhay toj iwatlak iwoyeje lewanyahay naʼtshes

«Chufwenej m’ak tä is häp han’äfwaj yämthilek iwoye»