Skip to content

Skip to secondary menu

Wichi toj yen Lhometa Heowa

wichi

¿Atsi toj atichunhayaj toj leyahin lewhayis toj letataye?

¿Atsi toj atichunhayaj toj leyahin lewhayis toj letataye?

¿Ha lefwetaj mʼayhay toj ihonhatena...

  • ... ihihila tʼat toj ihi?

  • ... tʼaytshihla nʼowitʼay toj ihi?

  • ... nechʼe isenla?

 MʼAK TOJ BIBLIA YOME

«Dios [...] ilejihena nilhokej tatetʼilis, wet nemla iche nʼotʼilek lhäyʼe nʼolhakli, nʼolhafwyhayaj, nʼoteläythayaj. Tsi tajyäme mʼayhay tä pajche iche, noj tʼat» (Apocalipsis 21:3, 4, Dios Lhämtes tä Matchehen).

ATSI LEN’AYHAY TOJ IWOYEK AISEJ

Lewʼenhila achumet toj aisej wet toj hiwʼenla amho akajyaj (Isaías 65:21-23).

Nofwila toj ahope nʼoelh toj letelaythayaj ihi wet toj tʼinhayaj ihi (Isaías 25:8; 33:24).

Akajyaj ihihla toj lelhayʼe hawʼet lheley wet akalayʼis pajlaʼtha tiyajʼattsiy (Salmo 37:11, 29).

 ¿HA ICHE MʼAYHAY TOJ TAMENEJ TOJ IS CHE NAMATITCHE MʼAK TOJ BIBLIA YOME?

Iche, natetshan dos:

  • Dios hiwʼen lakhajyhayaj hopkhilak yam wakʼalh lhometna. Dios lakhajyhayaj ihichetʼa mʼak che wʼawulhi, hop toj tamenej toj tajlhamet lham toj Biblia yen lheya toj yok «Dios tä najit [le]tumfwaya» (Apocalipsis 15:3). Toj malhyejtso, Dios wuj lakhajyhayaj toj hiwʼen hopkhilak inofwat mʼayhay toj niʼisahen wet ichajla alhoho nilhokej mʼayhay toj isis. Malhyej toj Biblia yome «Dios ihanej iwoyneje nilhokej mʼayhay» (Mateo 19:26).

  • Dios matche toj ihuminchek yam matche lhometna. Malhyej toja, wichi toj yʼinhen pʼante, Biblia yome toj Heowa matche toj ihuminchek inuhatchepha (Job 14:14, 15).

    Hate yome toj Jesús, hop Dios Lhas, ichesthen pʼante wichi. ¿Atsi toj tamenej toj iwoye pʼante tajtso? Hop toj ihuminche pʼante che iwoye tajtso (Marcos 1:40, 41). Mʼayhay toj Jesús iwoye pʼante iten tʼat mʼak toj Dios ihuminchek iwoye hopkhilak tachʼote wichi toj pʼalitses (Juan 5:19).

    Nilhokej mʼayhayna toj natetshanne ikalelhat namhohen toj Heowa wet Jesús tʼuhlak nawʼen lhakajyaj hop lewhayis toj natataye toj lhayʼe lhip toj is (Salmo 72:12-14; 145:16; 2 Pedro 3:9).

 TʼATSHAN AME

¿Atsihila mʼak toj Dios iwoye hopkhilak honhatna hope lhip toj lhayʼe lhip toj is?

Lewʼenla lechulhyaj toj ihi MATEO 6:9, 10 wet DANIEL 2:44.