Skip to content

Skip to secondary menu

Skip to table of contents

Wichi toj yen Lhometa Heowa

wichi

Nʼosilatyaj toj isis toj talhe Dios

 NʼOCHUFWENYAJ 2

¿Chi malhyej Dios?

¿Chi malhyej Dios?

1. ¿Atsi toj tamenej toj is che nanʼokwiyej Dios?

Dios hope Elh toj lhenek nilhokej mʼayhay. Lham iche pʼante wet ihichetʼala ifwala che yʼil (Salmo 90:2). Hop nʼosilotyaj toj isis toj ihi Biblia talhe tʼat lham (1 Timoteo 1:11). Toj lham pʼante toj nayenwetha hop toj tamenej toj matche toj tʼuhawetej (lawetej) toj natchumhoplhi wet nanʼokwiyej. Yahyen Apocalipsis 4:11.

2. ¿Chi malhyej Dios?

Ihichetʼa hinʼu che hiwʼen pʼante Dios, tsi lham hope espíritu, nʼoelh toj matche toj inuʼpe namel toj lhatʼisanis ihi wet nalayhiche toj nehi honhatna (Juan 1:18; 4:24). Mat, iwoyek natafwelej chi malhyej Dios che natetshan mʼak toj lhenhay. Malhyej toja, iche wujpe halʼo lhay toj wʼenhahiche wet halʼo lhawol toj lham yenwetha pʼante toj inʼalit namejen toj naihumnhen wet wuj toj lehanyaj ihi. Lhayʼe toj, mʼayhay toj ikapha toj matche toj tsajpha ipayen namehen toj hope elh toj matche toj takhajay. Yahyen Romanos 1:20.

Hate iwoyek natafwelej Dios che nayahyen Biblia. Toja ifwel namhohen mʼayhay toj iwoye pʼante, atsi mʼayhay toj ihuminche wet nhuminache hate atsi mʼayhay toj iwoyeje wichi toj isen wet wichi toj niʼisa. Yahyen Salmo 103:7-10.

3. Dios, ¿ha lhey ihi?

Jesús yo pʼantekwe: «Dios tä olhamel Ojcha tä lhe puleye, is chik õyen tʼamajcheta ey» (Mateo 6:9). Tej toj Dios hiwʼen wujpe títulos, mat hiwʼen tefwajni lhey. Malhyej toj iche wʼenhahiche nʼolhomtes, wujpe lenʼayij toj wichi iwo lheya ichumyenlhi tʼat lhomet. Lheyna toj wichi lhomtes hope Heowa, tej toj nʼochumyenlhi Jehová toj talhe español lhomtes. Dios Lhomtes yok: «Hopkhilak wichi ihanej toj ey hope Heowa, tajlhamet am toj ahope Nʼowujtaj toj iʼpe nilhok Honhat» (Salmo 83:18, Traducción del Nuevo Mundo, [TNM]).

 Iche wujpe Biblias toj nʼotayhat Dios lhey toj ihi wet nʼotihi títulos malhyej Dios wok Lhawuk. Mat nʼolesaynhay toj nechʼenyaya toj iche pʼante inʼalit Dios lhey toj ihi Biblia nichotyaye siete mil toj yachajopej toj ihi. Lewhay toj Jesús ichufwenej pʼante wichi chi malhyej Dios ichumyenlhipej Dios lhey. Jesús yopʼatekwe: «Otafwnhatej lhamel hop ey» (Juan 17:26, TNM).

4. Dios ¿ha naitetshanhen?

Malhyej iwoye nʼojchana toj humnhatsaj, Dios yen tichunhayaja che naisej lewhay toj tatay alhoho

Che matche toj naihumnhen, ¿atsi toj tamenej toj iwahnej toj iche wujpe lhatelaythayajay? Iche wichi toj fwetaj iwo lhatelaythayaja hop toj yelhat namehen. Mat toja matichetʼa. Yahyen Santiago 1:13.

Heowa iwahin namejen che natshupyene lhanʼayij toj nanukwe. Wet matche toj is che nachumyenlhi tajtso hopkhilak natchumhoplhi (Josué 24:15). Mat, wujpe wichi toj ichumyenlhi hopkhilak iwoye mʼak toj niʼisa wet hop toj tamenej toj iche wujpe nʼotelaythayajay. Mat Heowa toj hiwʼen mʼayhayna toj niʼisache alhoho lefwitajayaj ihi. Yahyen Génesis 6:5, 6.

Heowa naihumnhen wet tʼuhlak nen lhakajyaja mʼak toj nehi. Tatay lhimpaj wet itayhthila nʼofwitajayaj lhayʼe nʼofwitseyaj toj iche. Mat kamaj, hiwʼen mʼak toj tamenej toj iwahnej toj lhatelaythayaj ihiche. Ihi nʼochufwenyaj 8 toj yʼitathila namhohen mʼayhayna. Yahyen 2 Pedro 2:9 wet 3:7, 13.

5. ¿Chi nawoyneje toj namwhoye Dios?

Heowa iwatlak namwhoye nachumyenlhi tʼat nʼotʼalhyaj. Lham naitetshanhen weihalhapej namel (Salmo 65:2; 145:18). Lhayʼe toj, wakʼalh toj itayhat lhates wet iwo lahaya toj nalhaikhajyenejen toj nawoye lenechʼethayaj, tej toj iche lewhay toj nakalhihitʼa. Tej toj lhachʼisukyajay ihiche iwoyek nen lhakalayʼiya. Yahyen Salmo 103:12-14 wet Santiago 4:8.

Hop toj Lham nayenwetha pʼante, matche toj tʼuhawetej toj nahumin tajlhamet lham (Marcos 12:30) Nanʼalit toj nahumin che nalhaichufwenej chi malhyej lham wet nawoye mʼak toj neʼtek nawoye. Che nawoye toja, tʼaytsipej toj namwhoye. Yahyen 1 Timoteo 2:4 wet 1 Juan 5:3.