Skip to content

Skip to table of contents

Wichi toj yen Lhometa Heowa

Select language wichi

 NʼOCHUFWENYAJ 7

¿Atsi toj hope Dios Niyatyaj?

¿Atsi toj hope Dios Niyatyaj?

1. ¿Atsi toj hope Dios Niyatyaj?

¿Atsi toj tamenej toj Jesús hope Niyat toj lhayʼe lhip toj is? (MARCOS 1:40-42)

Hope Dios Niyatyaj toj ihi pele toj tiyajohla lewʼet nilhokej nʼoniyatyajay toj iʼpe Honhatna wet ikalhihila che Dios lenechʼethayaj ihi Honhatna malhyej toj ihi pele. Nʼoniyatyaj toj wichi iwatla toj hope Dios leniyatyaj, ikalhihila che ihutwek nilhokej wichi toj iʼpe Honhatna. ¡Matche toj isis nʼosilotyajna! Yahyen Daniel 2:44; Mateo 6:9, 10 wet 24:14.

Nilhokej nʼoniyatyajay iwatlak hiwʼen niyat toj ihi. Hop toj tamenej toj Heowa Dios yen pʼante niyata Lhos Jesucristo toj ihi leniyatyaj. Yahyen Apocalipsis 11:15.

2. ¿Atsi toj tamenej toj Jesús hope Niyat toj lhayʼe lhip toj is?

Hop toj hope Elh toj pʼaltsentsaj wet nilhok lewhay iwoye mʼak toj is alhoho (Mateo 11:28-30). Lhayʼe toj hiwʼen lakajyhayaj hopkhilak tachʼote wichi, wet ichumyenhilhila lakajyhayajtso che niyatej Honhat che ihi pele. Lewhay toj Jesús yachajo toj ilayhi ihoye pʼante pele, tataye tʼat toj ihi Lajcha lefwomkat hopkhilak tachumla lenʼohyaj toj Niyat (Hebreos 10:12, 13). Toj lepese Dios hiwʼenho pʼante lenʼohyajtso. Yahyen Daniel 7:13, 14.

3. ¿Ha ihichela iyhaj wichi toj lhayʼehila Jesús toj niyatey?

Wichi toj nʼoyen lheya «Dios tä Nʼowujtaj laka wichi [«toj Nʼotʼamajchetes» TNM]» hopkhila che niyatey toj lhayʼe Jesús toj ihi pele (Daniel 7:27). Wichi toj ichun pʼante toj Dios itshupyene toj hopkhilak nʼotʼamajchetes, hope pʼante Jesús laka apóstoles. Heowa kamaj itshupyene toj tachuma paj toj ifwalasna hinʼul wet atsinhay toj tʼekhahyaj ihiche hopkhilak hopehen  nʼotʼamajchetes. Malhyej iwoye Jesús wichina ihoye pele toj tafwaytshi toj yʼil wet tʼisan nechʼe hope espíritu. Yahyen Juan 14:1-3 wet 1 Corintios 15:42-44.

¿Chifwajte wichi toj ihohiyela pele? Biblia inʼalit toj nitakwitʼa wichitso, Jesús iwo pʼante lheya wichitso toj yok «oläy tsonʼatas tä niwujaʼpe» (Lucas 12:32). Tajlhamet 144.000 wichina toj lhayʼehila Jesús toj Niyatej Honhat. Yahyen Apocalipsis 14:1.

4. ¿Atsi pʼante toj iche lewhay toj Jesús nʼoyen niyata?

Nʼoyen pʼante niyata Jesús toj 1914, wet toj ihi pele ichunkat pʼante toj itat Honhate Satanás wet laka ahot lhayis. Toj matche toj lewak ihi Ahottaj itiyej lewitʼayhyajay wichi toj iʼpe nilhok honhates (Apocalipsis 12:7-10, 12). Talhe lewhaytso mʼayhay toj iʼpe Honhat yike tʼat mʼak toj hichʼatej toj niʼisa. Mʼayhay toj iche ifwalasna malhyej nʼokaʼtshayajay, honhat wʼahu, nehlas wet nʼotʼinhayajay inʼalit tʼat toj atofwiyetʼa che Dios niyatyaj lhayenla niyatayej imalhewek Honhat, malhyej toj profetas yome pʼante. Yahyen Lucas 21:7, 10, 11, 31.

5. ¿Atsi toj iwoye Dios niyatyaj ifwalasna wet lewhay toj tatay alhoho?

Dios Niyatyaj ichumyenlhi tʼat laka wichi toj iwo lhometa hopkhilak ihutwek «wujpe wichi» toj ihiche nilhokej honhates. Millones hinʼul wet atsinhay toj lhaknichajawetha hopehen wichi toj tachʼahuye Jesús, laka Niyat. Nilhokej wichina tafwayhenla lewhay che Dios Leniyatyaj itayhat wichi toj niʼisa. Toj malhyejtso che nawatlak naisej mʼak toj Dios Niyatyaj iwohiyela, is che natchʼahuye Jesús. Yahyen Apocalipsis 7:9, 14, 16, 17.

Dios Niyatyaj mil nekchomis toj niyathiyeja Honhat, lewhaytso inʼalthila Dios lenechʼethayaj toj nechʼenyaya toj itiyej pʼante wichi. Honhat hopkhila honhat toj wʼatshan wet isilataj. Toj lepese, Jesús yachajiyela Lajcha Leniyatyaj (1 Corintios 15:24-26). ¿Ha lehuminchek lefwenho aʼelh che hope atsi toj hope Dios Niyatyajna? Yahyen Salmo 37:10, 11, 29.