Skip to content

Skip to secondary menu

Wichi toj yen Lhometa Heowa

wichi

¿Atsi toj lefwetaj hope Biblia?

¿Atsi toj lefwetaj hope Biblia?

¿Ha lhenek hope...

  • ... hinʼul letichunhayajay?

  • ... pʼalhalis toj kamatachehen?

  • ... Dios Lhomtes?

 MʼAK TOJ BIBLIA YOME

«Nilhokej Nʼolesaynhay tä ihi Lehi tälho tʼat Dios leyalh» (2 Timoteo 3:16, Dios Lhämtes tä Matchehen)

ATSI LEN’AYHAY TOJ IWOYEK AISEJ

Iwoyek lewʼen lechulhyajay ayʼatsanhay toj lhen alhakliya (Proverbios 2:1-5).

Iwoyek letʼekhaye toj inuhyen amkwe hanʼayij ifwalapej (Salmo 119:105).

Iwoyek aniwhayaj ihi lewhay toj letataye (Romanos 15:4).

 ¿HA ICHE MʼAYHAY TOJ TAMENEJ TOJ IS CHE NAMATITCHE MʼAK TOJ BIBLIA YOME?

Iche, natetshan tres:

  • Tatayhitʼawek mʼayhay toj yome. Hop Biblia cuarenta hinʼul toj ilesayen pʼante, talhe toj nʼolesayen pʼante pajtha nichate toj wakʼalh ihi mil seiscientos nekchomis. Tej toj wujpe lhamel ihanhiyejtʼak itafwel lhamejen, mʼayhay toj ilesayen tatayhitʼawek wet weihalha tʼat mʼak toj yome.

  • Lelesaynekwos akantsesitʼa. Hop wichi toj itetshan mʼayhay pʼante toj iyej laka wichi, iche toj lhamel iskat toj wichi iyhaj ikalhi toj tatayhla laka wichi. Mat malhnhiyejtʼa iwoye hinʼul toj ilesayen pʼante Dios Lhomtes, iskathitʼa pʼante mʼayhay toj niʼisa toj iwoye wet wichi lechʼisukyajay (2 Crónicas 36:15, 16; Salmo 51:1-4).

  • Mʼayhay toj yome yam tʼat wakʼalh. Hop Biblia yome p’ante toj Honhat toj lhey Babilonia nʼotayhthila toj kamaj doscientos nekchomis toj kamaj nichataye (Isaías 13:17-22). Hate tsʼilakhitʼa toj yome pʼante atsihila lenʼayij toj tatay, lhayʼe toj yome pʼante nʼoelh toj ikalhihila hupuytso lhey (Isaías 45:1-3).

    Iche mʼayhay iyhaj toj Biblia yome pʼante toj ihichela, nilhokej mʼayhaytso nʼal pʼante tʼat. ¡Matche tʼat toj mʼayhayna inʼalit toj Biblia hope Dios Lhomtes! (2 Pedro 1:21).

 TʼATSHAN AME

¿Atsi lenʼayij toj iwoyek tachʼot nʼoye Dios Lhomtes?

Lewʼenla lechulhyaj toj ihi ISAÍAS 48:17, 18 wet 2 TIMOTEO 3:16, 17.