Skip to content

Skip to secondary menu

Skip to table of contents

Wichi toj yen Lhometa Heowa

wichi

¿Atsi wichi toj iwoye Heowa lenechʼethayaj ifwalasna?

 NʼOCHUFWENYAJAY 10

¿Atsi toj hope toj nanʼokwiyej Dios toj nalhayʼe lhawʼet lheley?

¿Atsi toj hope toj nanʼokwiyej Dios toj nalhayʼe lhawʼet lheley?

Corea

Brasil

Australia

Guinea

Lewhayis toj pajche, Heowa tʼupʼantehlak wichi toj lewʼet lheley ihi lhahipʼajtitwek yamlek tachʼote toj tʼaytshi toj hopehen Lham lakalayʼis wet ise lewʼet lheley (Deuteronomio 6:6, 7). Hop toj tamenej toj, wichi toj yen lhometa Heowa, otiyej kanhi iyhaj mʼayhay hopkhilak onʼokwiyej Dios toj olhayʼe owʼet lheley. Lewhaytso toj otamsekis ihi, olhamel otetshan mʼayhay toj iwoyek tachʼote weihalhapej owʼet lheley hopkhilak ise Dios. Hate, wichi toj ihiyejtʼa lewʼet lheley, iwoyek ichumyenlhi lewhaytso toj yachaje Dios toj itetshan at chʼoye mʼayhay toj talho Biblia toj lham toj tatshupiye.

Lewhay toj iwoyek namwhoye Heowa. «Hoyaye Dios wet lham ihohla amehen» (Santiago 4:8.). Matche toj natafwenhiyeja Heowa lewhay che nalechufwenej atsi toj hope lham wet mʼayhay toj iwoye pʼante malhyej toj Biblia yome. Iche lenʼayij toj athahitʼa hopkhilak lewo tesa toj alechufwen toj lelhayʼe hawʼet lheley. Iwoyek elh weihalhapej yam aytaji lepak toj iyahyen lhip Biblia. Toj tafwaytshi, nilhokej lhamel iwoyek yome mʼak toj itafwelche. Iwoyek lechumyenlhi nʼolesaynek (programa) toj yome mʼayhay toj ihihila M’ak toj Dios Lakawos ihi wet Lechumet.

Lewhay toj iwoyek namwhoye lhawʼet lheley. Wichi toj lechʼefwas ihi, hate nʼojchalis, nʼokolis wet leles, is che ilate toj tʼaytshi toj weihalhapej lhahipʼajtej elh, lewhay toj lhaihutwek hopkhilak lhaichufwenej Biblia. Lewhayna is che lekajyaj ihi wet letamsek ihi wet is che nilhokej inihihla. Nʼalej toj nʼojchalis wet nʼokolis is che itichunejlhi nekchomis toj leles hiwʼen wet lhaichufwenej mʼayhay toj tʼuhawetej hopkhilak isej, toj talho La Atalaya wet ¡Despertad! wok toj talho sitio jw.org. Wok iwatlak yome mʼayhay toj iwo lelhakliya leles toj ihi nʼochufwenyajwʼet wet mʼak toj is che iwoye yamlek tatayhla. Lhay’e iwoyek iyahin toj ihi JW Broadcasting wet toj paj lhamel iwoyek yome m’ak toj pajche itethsan toj ihi. Hate lhamel iwoyek lhaiwaklhatej nʼotenkay toj nʼotenla toj ihi reunión wet toj noj toj lhaichufwenhen iwoyek lhamel yen lekajyaja toj tuj lhak toj niwuja.

Lewhay toj matche toj laha ihi toj natiyej kanhi iyhaj mʼayhay hopkhilak nanʼokwiyej Heowa toj nalhayʼe lhawʼet lheley, tachʼotla namehen yamlek nahumin Dios Lhomtes, wet Heowa mathichela che ikapfway namehen toj nalekhajyenejen (Salmo 1:1-3).

  • ¿Atsi toj tamenej toj natiyej kanhi iyhaj mʼayhay hopkhilak nanʼokwiyej Dios toj nalhayʼe lhawʼet lheley?

  • ¿Atsi mʼayhay toj iwoyek iwoye nʼojchalis wet nʼokolis hopkhilak lewhaytso nilhokej lhamel ihumin?