Skip to content

Skip to secondary menu

Skip to table of contents

Wichi toj yen Lhometa Heowa

wichi

¿Atsi wichi toj iwoye Heowa lenechʼethayaj ifwalasna?

 NʼOCHUFWENYAJAY 24

¿Atsi toj iwo haya nʼochumet toj olhamel owoye toj iʼpe nilhok honhat?

¿Atsi toj iwo haya nʼochumet toj olhamel owoye toj iʼpe nilhok honhat?

Nepal

Togo

Gran Bretaña

Nilhokej nekchomis, wichi toj yen lhometa Heowa, olhamel oyenlhi wet owʼenhomche hop wichi millones biblias wet iyhaj mʼayhay toj iwoyek nʼoyahyen. Hate olhamel oyenwetha Wichi toj yen lhometa Heowa Lewʼetes wet nʼowukwey Betel wet olhamel otʼuye. Lhayʼe toj nʼowʼenho mʼayhay toj lhamel iwatla miles olhamel opunfwas toj tachumwetha toj ihi Betel wet iyhaj toj hopehen nʼoelh toj nʼochene elh honhat hopkhilak iwo lhometa, wet olhamel othate nʼochʼotyaj lhipey honhatil toj iche nʼowitʼayhyajay toj matche toj ayteschehen. ¿Atsi lhip toj talhe chinaj tʼoj hopkhilak nʼowo haya nilhok tajtso?

Olhamel onityenhiyejtʼa che wichi tis nʼohen, ichumyenlhi diezmos, ofrendas wet olhamel otʼalhiyetʼa chinaj tʼoj. Tej toj nʼochumet toj olhamel owoye toj owo lhometa is che nʼowo haya wujpe mʼayhay, olhamel otʼalhiyetʼa wichi chinaj tʼoj. Tafwaytshi cien nekchomis, revista toj ihan elh toj ichun La Atalaya yome olhamel oka wichi toj kalelhajcha toj wakʼalh tʼat letichunhayajay toj isiyeja Heowa lechʼotyaj. Yome tʼat wichitso toj yopʼantek: ihichetʼala «che tʼalhwetha, hate tʼalhiyetʼala hinʼul che tachʼote». Tajtso nʼal tʼat toj matche (Mateo 10:8).

Chinaj tʼoj talhe wichi toj tʼuhlak ithatcho. Wujpe wichi toj ihumin olhamel ochumet toj ochufwenej wichi iyhaj Dios lhomtes wet lhamel tʼuhlak ithatcho chinaj tʼoj hopkhilak tachʼote nʼochumetna. Olhamel oyachaje Dios olhamel okhajyhayaj, mʼayhay toj olhamel owʼen wet otiyej kanhi iyhaj mʼayhay hopkhilak owoye lenechʼethayaj toj iʼpe nilhok honhat (1 Crónicas 29:9). Toj ihi wichi toj yen lhometa Heowa Lewʼetes wet lhipey toj ihi toj olhamel oyenwetha reuniones toj wus, iche chinaj tʼoj lehis toj nilhokej wichi iwoyek ithatho. Hate iwoyek n’ochumyenlhi lhip toj ihi internet toj lewuk olhamel jw.org toj n’otatcho chinaj t’oj. Wujpe wichi toj ithatcho chinaj tʼoj hopehen wichi toj hiwʼenhitʼa mʼak, toj malhyej iwoye tesa toj pʼelitsaj toj Jesús iwujyen pʼante, hop toj ithatho pʼante takwfwas chinaj tʼoj toj lhimphaj laha nʼotʼawayhtes lehis toj ihi Dios lewʼet (Lucas 21:1-4). Nʼoelh at che hope iwoyek itiyejpej kanhi lhip chinaj tʼoj toj «häpe tʼat mʼak tä pajche yen tichunhayaja» toj ithatcho (1 Corintios 16:2; 2 Corintios 9:7).

Olhamel okachuhitʼa toj Heowa yikhilatʼatchufwi toj ikhajyen wichi toj tʼuhlak iwujyenejej mʼayhay toj lhamel hiwʼen hopkhilak yikchufwi toj tachʼote nʼochumet toj lewuk Dios Niyatyaj wet toj malhyejtso iwoye lenechʼethayaj (Proverbios 3:9).

  • ¿Atsi toj tamenej toj wichi toj yen lhometa Heowa, malhnhiyejtʼa iwoye iyhaj religiones?

  • ¿Chi malhyej toj nʼochumyenlhi chinaj tʼoj toj wichi ithatcho?

MÁS INFORMACIÓN

MʼAYHAY TOJ IWOYEK LEYAHYEN

Olhamel oka Revistas

Tompha toj ihi internet revistas La Atalaya wet ¡Despertad!