Skip to content

Skip to secondary menu

Skip to table of contents

Wichi toj yen Lhometa Heowa

wichi

¿Atsi wichi toj iwoye Heowa lenechʼethayaj ifwalasna?

 NʼOCHUFWENYAJAY 6

¿Atsi mʼayhay toj naisej toj nalhahipʼajtej lhapunfwas?

¿Atsi mʼayhay toj naisej toj nalhahipʼajtej lhapunfwas?

Madagascar

Noruega

Líbano

Italia

Tej toj is che nanukwe tayhi toj matche toj wʼatshan halʼoy toj iche wok che matche toj chayokwe, iwomcha wok iche ihwok toj aytaji, wichi toj yen lhometa Heowa olhamel olehiyejtʼa toj ohoye olhamel oka reuniones. Tej toj iche olhamel owitʼayhyajay wet toj oyʼelej ochumet toj owoye, ¿atsi toj tamenej toj olhamel matche toj olhaikhajyenej hopkhilak olhaihutwek toj olhayʼe olhamel opunfwas?

Tachʼot nʼoyehen hopkhilak oisen. Toj yome pʼante toj namel nawatlak nahoye reuniones, apóstol Pablo yopʼantek:«nʼatʼukwe lhakey tä is» (Hebreos 10:24). Toj nʼotʼukwe mʼak iwatlak nʼotʼamajej toj nʼotetshan. Toj malhyejtso, mʼak toj apóstol yome, hope toj inityen namejen toj is che weihalhapej namel itafwelej elh, toj is che nen lhalhakliya lhaiyhaj. Lewhay che natafwelej iyhaj lhapunfwas toj ihi congregación, natajpe toj iche iyhaj toj iche pʼante lewitʼayhyajay toj tafwayej, malhyej iwoye lhawitʼayhyajay toj inamejen wet iwoyek tachʼot namehen hopkhilak naten lhamel.

Iwoyek pitaj lewhay toj nawʼen lhakalayʼis. Toj olhamel olhaihutwek, olhamel oihi lechowej okalayʼis toj matchehen toj tsʼilakhitʼa toj hopehen wichi toj olhamel otafwelej. Lhayʼe toj iche iyhaj lewhayis toj olhamel olhaihutwek hopkhilak olhamel owoye mʼayhay toj isen toj ikajyen nʼowetha. ¿Atsi mʼayhay toj isen toj nakatej toj nalhahipʼajtej lhamel? Ichufwen namejen toj is che nawʼawlhatcho lhaiyhaj toj tamenej toj nʼohumnhayaj yʼayhettshi toj nalhahipʼajtitwek. Wet che lhapunfwas ihi lewitʼayhyajay, yofwajkwet natiyej lhachʼotyaj, hop toj matche toj takhajay toj hopehen lhakalayʼis (Proverbios 17:17). Toj nalhahipʼajtej nilhokej lhapunfwas toj ihi congregación, nanʼalit toj «elh weihalhapej yen tichunhayaja yämthilek tachʼote iyhäj» (1 Corintios 12:25, 26).

Olhamel oaikhajyen toj letshupyene toj lhen akalayʼisa wichi toj iwoye tʼat mʼak toj Dios lenechʼethayaj. Lewʼenla akalayʼis toj malhyejtso toj ihi wichi toj yen lhometa Heowa. Kawayhla che mʼak at che hope inuhla hopkhilak lelhayʼe olhamel toj olhaihutwek.

  • ¿Atsi toj tamenej toj iwoyek naisej toj nalhahipʼajtej lhapunfwas toj ihi congregación?

  • ¿Atsi lewhay toj lehuminchek letafwelej olhamel oka congregación?