Skip to content

Skip to secondary menu

Skip to table of contents

Wichi toj yen Lhometa Heowa

wichi

¿Atsi wichi toj iwoye Heowa lenechʼethayaj ifwalasna?

 NʼOCHUFWENYAJAY 23

¿Chi malhyej toj olhamel olesayen wet othate iyhaj nʼolhomtes mʼayhay toj iwoyek nʼoyahyen?

¿Chi malhyej toj olhamel olesayen wet othate iyhaj nʼolhomtes mʼayhay toj iwoyek nʼoyahyen?

Lhip toj ihi toj nʼoyenlhi Nʼolesaynhay (Estados Unidos)

Corea del Sur

Armenia

Burundi

Sri Lanka

Hopkhilak nʼowo silotayej «nilhokej wichi [...] tä wʼenhache lhamejen lhäyʼe tä lhämtes wʼenhahiche» hop nʼosilotyaj toj isis, olhamel oyenlhi mʼayhay toj iwoyek nʼoyahyen toj inuʼpe 750 nʼolhomtes toj wʼenhahiche (Apocalipsis 14:6). ¿Chi malhyej toj olhamel owoye nʼochumetna toj matche toj wuj? Olhamel owʼen wujpe nʼolesaynhaywos toj ihiche honhatil iyhaj toj talhomche wʼenhahiche honhates. Lhameltso wet wujpey wichi toj lhayachaje lechumet toj ithate iyhaj nʼolhomtes hop mʼayhay toj iwoyek nʼoyahyen toj hopehen wichi toj yen lhometa Heowa.

Nʼolhomtes toj ichun toj nʼolesayen hope inglés. Hinʼul toj wujitʼaʼpe toj Itetshan nilhokej congregaciones, iyahin hop Lhip toj ihi toj nʼoyenlhi Nʼolesaynhay toj ihi tʼat nʼowukwe Betel toj lhamya. Toj ihi lhipna itetshan hop nʼolesaynhaywos lechumtes toj ihi wet toj ihi iyhaj nʼowukwey Betel. Toj isej toj olhamel owʼen wichi toj wʼenhahiche, iwoyek oyome mʼayhay toj yʼaje wujpe wichi toj wʼenhache lhamej lakeyis. Hop toj tamenej toj mʼayhay toj olewuhuy toj iwoyek nʼoyahyen, wujpe wichi toj ihi nilhokej honhatil toj ihumin.

Nʼothate nʼolhomtes iyhaj wichi toj is che iwo iyhaja. Lewhay toj nilhok nʼolhomtes nʼolesayen wet nʼowʼen toj is, nʼochumyenlhi computadora toj nʼothate hop wujpe wichi toj iwo iyhaja nʼolhomtes toj ihi toj iʼpe nilhok honhat, wet lhamel toj itetshan toj ithate iyhaj nʼolhomtes. Lhamel ilhakʼalchʼoye che «hiʼisyen alhoho tä ilesayen» nʼolhomtes toj matche toj hope lhomet, hopkhilak tajo lewʼet mʼak toj lhamya toj tʼuhlak yome hop nʼolhomtes toj inglés (Eclesiastés 12:10).

Hop computadoras tachʼote nʼochumet hopkhilak ilafwel. Hop computadora iwohiyetʼak yenlhi hinʼu lechumet toj hope nʼolesaynekwo wok elh toj iwo iyhaja nʼolhomtes. Mat, iwoyek yamhitʼa atha nʼochumet toj nʼoyenlhi, nʼochumyenlhi tʼat computadoras wet libros toj yam kalelhaj mʼak toj yome nʼolhomtes. Hop wichi toj yen lhometa Heowa olhamel oyenlhihte nʼochumetcha toj ihi computadora, Sistema Electrónico de Edición Plurilingüe (toj hate lhey MEPS). Isej tajtso iwoyek nʼolesayen toj ihi computadora wujpey nʼolhomtes toj wʼenhahiche, nʼotiyej nʼolhomtes hop nʼopeykas wet nʼoyam wakʼalh mʼayhay toj is che nʼothatho papel.

¿Atsi toj tamenej toj matche toj olhaikhajyenej toj olhamel othate iyhaj nʼolhomtes wujpey mʼayhay toj iwoyek nʼoyahyen? Hop toj mʼak toj Heowa lenechʼethayaj, hop toj «nilhokej wichi tafwayhen wet nitäfwelej lham lhämet tä matche» (1 Timoteo 2:3, 4).

  • ¿Atsi nʼochumtes toj nʼoyenlhi lewhay toj nʼolesayen mʼayhay toj iwoyek nʼoyahyen?

  • ¿Atsi toj tamenej toj olhamel othate wujpe iyhaj nʼolhomtes mʼayhaytso?