Skip to content

Skip to secondary menu

Skip to table of contents

Wichi toj yen Lhometa Heowa

wichi

¿Atsi wichi toj iwoye Heowa lenechʼethayaj ifwalasna?

 NʼOCHUFWENYAJAY 16

¿Atsi mʼayhay toj iwoye hinʼul toj tʼuyehen lhapunfwas lechʼotfwas?

¿Atsi mʼayhay toj iwoye hinʼul toj tʼuyehen lhapunfwas lechʼotfwas?

Myanmar

Toj ihi toj congregación tatache

Toj lhaihutwek yamlek iwo lhometa

Toj nʼotʼuye Wichi toj yen lhometa Heowa Lewʼet

Dios Lhomtes yome toj iche lhapunfwas toj wʼenha lhamej lechumtes toj ihi congregación: hop «hinʼul toj tʼuyehen lhapunfwas» wet «lechʼotfwas» (Filipenses 1:1, TNM) Weihalhapej congregaciones toj iche, wujpe iyhaj lhapunfwasna toj ihi. ¿Atsi lechumtes toj iwoye hinʼul toj tʼuyehen lhapunfwas lechʼotfwas?

Tachʼote hinʼul toj tʼuyehen lhapunfwas toj iwek toj tachumwetha. Hinʼul toj tʼuyehen lhapunfwas lechʼotfwas matche toj ise Dios, hopehen wichi toj iwoyek nʼotʼekhaye toj lhamel tʼamajej toj iwoye lechumet wet iwoyek hopehen mamses wok iyhaj toj thanhay. Hop hinʼul toj tʼuyehen lhapunfwas yen chumeta toj itetshan wet ichufwen hop lhapunfwas toj ihi congregación. Hop toj tamenej toj hinʼultso tachʼote lhamel hopkhilak iwoyek itetshan tajtso. Toj malhyejtso, lhamel itetshan lechumtes iyhaj toj wʼenha lhamej toj laha ihi hopkhilak wakʼalhcha mʼayhay toj ihi congregación.

Iwoye lechumet toj wuj toj laha ihi. Lewhay toj iche reuniones, iche hinʼul toj tʼuyehen lhapunfwas lechʼotfwas toj iwoyek hopehen iyhaj toj iwo wʼeta iyhaj wet tʼamajej toj tachumla toj namhen. Iyhaj itetshan mʼak toj nʼochumyenlhi yamlek nʼolate nʼopak wet nʼotenkay, hiwʼenhomche wichi mʼayhay toj iwoyek nʼoyahyen, itetshan chinaj tʼoj toj ihi congregación wet ifwenho lepunfwas lhip toj is che iwo lhametahi. Hate tachʼote toj tʼuye Wichi toj yen lhometa Heowa Lewʼet wet lepunfwas toj hichʼuthen malhyej toj hinʼul toj tʼuyehen lepunfwas ifwenho lhamel. Lechumet at che hope toj is che iwoye, lhamel lhaikhajyenej toj yam is alhoho toj iwoye hop toj tamenej toj iyhaj yenhitʼa wʼet mʼayeka (1 Timoteo 3:13).

Hopehen hinʼul toj ise Dios toj iwoyek naten. Hop hinʼul toj tʼuyehen lhapunfwas lechʼotfwas nʼotshupyeneje lechumetna hop toj lhamel matche toj ise Dios wet lakeyis lhayʼe lhip toj isen. Lewhay toj ihi toj congregación tatache toj tachʼote toj ichufwen iyhaj, ikhajyen olhamel otʼekhahyaj, toj lhamel iwo lhometa iwoyek oten wet tʼaytshi toj olhamel otʼuhlak owo lhometa. Hate toj lhamel ihumin toj tachʼote hinʼul toj tʼuyehen lhapunfwas toj iwek toj tachumwetha, tʼaytshi toj olhamel okajyaj ihi wet toj olhahipʼajtitwek (Efesios 4:16). Che paj lhamel iwoyek hopehen hinʼul toj tʼuyehen lepunfwas.

  • ¿Atsi lakeyis toj is che hiwʼen hinʼul toj nʼoyen nʼochʼotfwasa?

  • ¿Atsi lechʼotyaj toj hiwʼenho congregación hop hinʼul toj tʼuyehen lhapunfwas lechʼotfwas hopkhilak wakʼalhcha mʼayhay toj ihi?