Skip to content

Skip to secondary menu

Skip to table of contents

Wichi toj yen Lhometa Heowa

wichi

¿Atsi wichi toj iwoye Heowa lenechʼethayaj ifwalasna?

 NʼOCHUFWENYAJAY 15

¿Atsi lechumet toj iwoye hinʼul toj tʼuyehen lepunfwas?

¿Atsi lechumet toj iwoye hinʼul toj tʼuyehen lepunfwas?

Finlandia

Iwo lechufwenyaja

Tʼisiyake lepunfwas

Iwo lhometa

Toj ihi olhamel oka wichi toj kalelhajcha, ihichetʼa hinʼul toj nʼochufwenyajwos che inuʼpe iyhaj wet nʼowʼenhihotʼa chinaj tʼoj. Mat hatet iwoye Dios kawos toj iche pʼante toj tafwaytshi toj Jesús yʼil, iche hinʼul toj ihanej iwoyneje «yämlek [tʼuyehen] wichi tä Dios yen lelesa» (Apóstoles Lhenhay 20:28). Hinʼulna toj tʼuyehen lepunfwas, matche toj ise Dios, itetshan congregación, khitʼa toj ‹wʼet lhainityenej tʼat tä iwoye, wok iwoye häp tä iwatlak ikalhi chinaj tʼäj mat is tä wuj tä humin lechumetna› (1 Pedro 5:1-3). ¿Atsi lechumtes toj iwoyej namehen?

Tʼu namehen. Hinʼul toj tʼuyehen lepunfwas, inuhyenkwe lhip toj is che inukwe hop congregación wet tʼuye che ise Dios. Lhamel ihanej toj Dios toj yen lewoya lechumetna toj matche toj laha ihi, inityenhitʼa nʼoyejen che olhamel oyen tichunhayaja toj lenʼohyaj wuj toj laha ihi, mat tachʼot nʼoyehen hopkhilak oisen wet okajyaj ihi (2 Corintios 1:24). Malhyej iwoye tsonʼataswo toj matche toj tʼamajej toj tʼuye weihalhapej lelay tsonʼatas, olhamel opunfwas toj tʼu nʼoyehen yen lelhakliya che itafwelej weihalhapej Dios lelay toj ihi congregación (Proverbios 27:23).

Ichufwen nʼoyejen toj olhamel owoye Dios lenechʼethayaj. Semanapej olhamel opunfwas toj tʼu nʼoyehen, lhamel ihi toj olhamel ottache lewhay toj olhaihutwek hopkhilak ikhajyen olhamel otʼekhahyaj (Apóstoles Lhenhay 15:32). Lewhay toj olhamel owo lhometa, hinʼulna toj lhaikhajyenejpe iyhaj, inuhyen nʼokwehen lhip toj is che olhamel onukwe toj owo silotyaja wet ichufwen nʼoyejen wujpe lenʼayij toj olhamel owoye ochumetna.

Ikhajyen weihalhapej olhamel. Hopkhilak olhamel owʼen mʼayhay toj weihalhapej olhamel owatla hopkhilak oise Heowa, lhamel tʼisiyak nʼoyehen toj oihiche owʼet wet tahuy nʼoyejen toj ihi wichi toj yen lhometa Heowa Lewʼet. Hiwʼen nʼohohen lechʼotyaj wet ikhajyen nʼohen, ichumyenlhi tʼat Dios Lhomtes (Santiago 5:14, 15).

Nitakw iyhaj hinʼul toj tʼu nʼoyehen iwoye wujpe mʼayhay toj ihi congregación, hate hiwʼen lechumtes wet lewʼet lheley toj is che tʼuye wet itetshan. Olhamel opunfwastso toj matche toj tachumwetha tʼuhawetej toj is che nenhitʼa wʼet mʼayeka (1 Tesalonicenses 5:12, 13).

  • ¿Atsi lechumtes toj iwoye hinʼul toj tʼuye congregación?

  • ¿Chi malhyej toj inʼalit toj yen lelhakliya weihalhapej olhamel?