Skip to content

Skip to secondary menu

Skip to table of contents

Wichi toj yen Lhometa Heowa

wichi

¿Atsi wichi toj iwoye Heowa lenechʼethayaj ifwalasna?

 NʼOCHUFWENYAJAY 9

¿Chi malhyej toj alewaklhat toj lehoye reuniones?

¿Chi malhyej toj alewaklhat toj lehoye reuniones?

Camboya

Ucrania

Che am lelhay’e elh wichi toj yen lhometa Heowa toj alechufwenej Dios Lhomtes, nʼalej toj ichun lewaklhat lhip toj alechufwenhiyeja. Che malhyejtso mʼak toj nawoye toj nahoye reuniones, mathichela che naisej che nakalelhat toj nalechufwenhen. Che nawo lewʼeta toj nalechufwenhen, matche toj is che ihi toj ihi toj nawoye tajtso.

Tshupyene lewhay wet lhip toj lhehi toj alechufwen. ¿Atsi lewhay toj atamsek ihi hopkhilak letichunlhi? ¿Ha hope toj nechʼe ifwala toj kamaj kachumalhi, wok toj honatsi toj naʼtshas imahen? Tej toj wujitʼa lewhay toj lewʼen, tetshan chifwajte lewhay toj iwoyek alechufwen wet chumyenlhi lewhaytso hopkhilak lewoye tajtso. Ukwe lhip toj tʼuhawetej hopkhilak atamsek ihi toj letichunejlhi wet tiyej kanhi mʼayhay toj iwohitʼa atamseka, malhyej radio, televisión wet teléfono. Toj lewo tʼalhayaja hopkhilak lewo tesa toj alechufwen, tachʼotla ame hopkhilak lepʼethatla mʼayhay toj lhen alhaklhiya ifwalatso wet tajlhamet toj letetshan Dios Lhomtes (Filipenses 4:6, 7).

Sajchufwi nʼolhomtes toj yome mʼayhay toj lhamenya wet is che awakʼalh hopkhilak lechulho. Toj ichun is che matche toj letafwelche atsi toj yome mʼak toj alechufwenhiyeja. Tetshan nʼolhomtes toj wus toj ichalas toj hope nʼochufwenyaj lhey wet iyhaj toj hopehen lheyis weihalhapej nʼochufwenyaj lhipey. Tichunejlhi lenʼayij toj nʼolhomtesna yiwtejla nʼochufwenyaj toj lhamya, yahyen nʼoyʼatsanhay toj iwoyek tachʼot ame yamlek lehanej iche nʼochufwenyajna wet tetshan nʼopeykas. Toj tafwaytshi, yahyen weihalhapej párrafo wet ukwe lechulhyaj hop nʼoyʼatshanek toj yiwte. Yahyen toj ihi Biblia hop versículos toj ihi párrafo toj nʼotenhitʼahla nʼolhomtes toj ihi wet tetshanchʼoye atsi toj tamenej toj ihi (Apóstoles Lhenhay 17:11). Che lewʼen nʼoyʼatshanek lechulhayaj toj ihi párrafo, sajchufwi nʼolhomtes toj matche toj lahal ihiche toj tachʼotla ame hopkhilak lehanej iche lechulhyaj. Lewhay che iche reunión, iwoyek letipha akwey, che lehuminche, hopkhilak lhenlhi achulhyaj toj nipitaja toj lechulho nʼoyʼatshanhay toj nʼoyenlhi malhyej toj am letafwelche.

Che letetshan wʼenhahiche nʼochufwenyajay toj is che nʼolhaichufwenej semanapej, iwohiyelak lepʼajtej iyhaj mʼayhay toj nechʼeyhis toj letafwelej toj ihi Biblia (Mateo 13:51, 52).

  • ¿Atsi mʼayhay toj is che lewoye hopkhilak alechufwenej mʼayhay toj ihihla reuniones?

  • ¿Atsi mʼak toj is che lewoye toj alewaklhat hopkhilak lechulho nʼoyʼatshanhay toj nʼoyenlhi toj ihi reuniones?