Skip to content

Skip to secondary menu

Skip to table of contents

Wichi toj yen Lhometa Heowa

wichi

¿Atsi wichi toj iwoye Heowa lenechʼethayaj ifwalasna?

 NʼOCHUFWENYAJAY 2

¿Atsi toj tamenej toj olhamel olhayen lheya wichi toj yen lhometa Heowa?

¿Atsi toj tamenej toj olhamel olhayen lheya wichi toj yen lhometa Heowa?

Noé

Abrahán wet Sara

Moisés

Jesucristo

Wujpe wichi toj fwetaj wichi toj yen lhometa Heowa ohopehen religión toj nechʼe. Mat, dos mil setecientos nekchomis toj tafwaytshi, wichi toj Dios toj weihalha lhayʼe toj matche lakawos nʼoyen pʼante lheya «iyhäj tä hiwʼenpe» mʼayhay toj Dios iwoye wet yen lhometa Lham (Isaías 43:10-12; Marcos 13:9). Pajtha nichate nekchom 1931 toj wichi itafwelej olhamel olhey toj hope Wichi toj lhaichufwenej Dios Lhomtes. ¿Atsi toj tamenej toj olhamel okalelhat toj is che olhamel olhey wichi toj yen lhometa Heowa?

Hop toj itafwnhatej wichi atsi toj hope elh toj olhamel oka Dios. Dios lhey, Heowa, miles toj yachajopej toj ihi Biblia, malhyej toj nʼolesaynhay toj pajche inʼalit. Lewhay toj wichi ithate iyhaj nʼolhomtes hop Biblia, nʼolheyna nʼothatho lewʼet nʼolhomtes toj inʼalit atsi toj hope nʼoelh, malhyej Lhawuk, Dios wok Nʼilataj. Mat, toj ihi nʼolhomtes toj lhamenya, Dios toj matche lhaitafwnhatej pʼante Moisés, ifwenho tʼat lhey toj hope Heowa. Toj paj ifwenho pʼante Moisés toj yok «häp täjtso olhey tä nittäya» (Éxodo 3:15).Toj malhyejtso ikalelhat pʼante toj malhnhiyejtʼa iwoye iyhaj dioses toj kamatachehen. Olhamel matche toj oyen kajyaja toj inʼoyejen Dios lhey toj nʼotʼamajchet.

Hop toj inʼalit olhamel ochumet. Talhe tʼat Abel hinʼu toj is pʼante, wujpe wichi toj tʼekhaye pʼante Heowa wet yen lhometa tajtso. Toj yiklhatshi lewhayistso, iche iyhaj wichi toj malhyej Noé, Abrahán, Sara, Moisés wet David, toj lhaihute «wujpey wichi pʼante tä hinʼälit lechayaj» wet iwo lhometa (Hebreos 11:4–12:1). Che am nʼosujkanej ame mʼak toj kamatache, ihichela akalayʼi toj yomlhi atape. Malhyej iwoye, olhamel kalelhaj toj oyenla lhometa mʼak toj matche toj iyejla Heowa.

Hop toj olhamel oten Jesús. Dios Lhomtes yome toj Jesús hope «Dios kasilätwo [wok «elh wichi toj yen lhometa Lham», TNM] tä afwtintsaj lhäyʼe tä matche» (Apocalipsis 3:14). Lham toj yome pʼante toj itafwnhatej wichi hop Lajcha lhey wet name pʼante honhat hopkhilak yen lhometa «mʼak tä häpe mʼak tä matche» (Juan 17:26; 18:37). Hop toj tamenej toj, lechufwenkay toj matchehen is che ichumyenlhi Heowa lhey wet ifwenhomche iyhaj wichi. Hop tajtso toj wichi toj yen lhometa Heowa olhaikhajyenejen toj owoye.

  • ¿Atsi toj tamenej toj nemhit olhamel olhey wichi toj lhaichufwenejen Dios Lhomtes, mat athana nechʼe hope wichi toj yen lhometa Heowa?

  • ¿Atsi lewhay toj talhe toj iche pʼante Heowa lakawos toj hiwʼenpe mʼak toj iwoye wet yen lhometa Lham toj iʼpe honhatna?

  • ¿Atsi pʼante elh toj matche toj yen lhometa Heowa toj iʼpe honhatna?