Skip to content

Skip to secondary menu

Skip to table of contents

Wichi toj yen Lhometa Heowa

wichi

¿Atsi wichi toj iwoye Heowa lenechʼethayaj ifwalasna?

 NʼOCHUFWENYAJAY 1

¿Atsi toj ohopehen wichi toj yen lhometa Heowa?

¿Atsi toj ohopehen wichi toj yen lhometa Heowa?

Dinamarca

Taiwán

Venezuela

India

¿Chifwajte wichi toj yen lhometa Heowa toj letafwelej? Nʼalej toj iche iyhaj toj iwhaye hawʼet, wok hope atʼunfwas toj ihi achumet, wok toj ihi nʼochufwenyajwʼet; nʼalej toj iche pʼante lewhay che olhamel ofwel amho mʼayhay toj ihi Biblia. ¿Atsi toj ohopehen, wet atsi toj tamenej toj olhamel ofwenho wichi mʼayhay toj otʼekhachʼoye?

Ohopehen wichi toj malhyej at iwoye iyhaj. Toj ihi olhamel, iche wichi toj wʼenhahiche mʼayhay toj iyej pʼante wet iche iyhaj toj pʼalitses wet iyhaj toj hiwʼen mʼak. Iche iyhaj toj ihi pʼante elh religión, wet iyhaj toj tʼekhahiyetʼa pʼante Dios. Tej toj malhyejtso, toj kamaj nichataye toj hope elh wichi toj yen lhometa Heowa, nilhokej olhamel otiyej kanhi iyhaj mʼayhay hopkhilak matche toj otetshan mʼayhay toj Dios Lhomtes lechufwenyajay (Apóstoles Lhenhay 17:11). Olhamel otchumla mʼayhay toj olhaichufwenej wet toj paj weihalhapej ikalelhat mʼak toj iwohiyela: nʼokwiyej Heowa Dios.

Olhamel olhahiʼisyenej toj olhaichufwenej Biblia. Malhyej iwoye nilhokej wichi toj iʼpe honhat, olhamel owitʼayhyajay ihi wet okʼefwhayajay ihi. Mat olhamel olhaikhajyenejen toj owoye mʼayhay toj matchehen toj ihi Biblia ifwalapej. Toj isej tajtso olhamel oyen kajyaja mʼayhay toj olhamel owʼen, matche toj isen okeyis inuʼpe lewhay toj pajche, isen mʼayhay toj olhamel olate toj tum nʼoyehen (Salmo 128:1, 2). Hop tajtso elh mʼak toj tamenej toj olhamel ofwenho wichi mʼayhay toj isis toj olhaichufwenejen toj ihi Biblia.

Olhamel owoye mʼayhay toj isen toj Dios ichufwen nʼoyejen. Mʼayhayna toj isen, toj Dios Lhomtes lechufwenyajay, hop toj tamenej toj oisen. Hate ikhajyen nʼoyejen toj olhamel oyen tichunhayaja toj iyhaj wichi lahal ihi wet toj ohopehen wichi toj is alhoho mʼak toj iwoye wet pʼaltsentses. Tachʼot nʼoyehen hopkhilak isen otichunhayajay wet owoye ochumtes hopkhilak oiyhaj isej. Hate mʼayhayna tachʼote che lhahipʼajtitwek nilhokej wichi toj lewʼet lheley ihi wet iwoye mʼayhay toj ipayne lhamel toj hope mʼak toj is alhoho. Olhamel kalelhaj nʼohohen toj ohanej toj «Dios hiwʼawlhatejchä lehumnhayaj tä itiyej wichi». Hop toj tamenej toj matche tʼat toj, tej toj olhamel oihiche wʼenhahiche honhatil ohopehen wichi toj lhalepunfwas, ihichetʼa che hiwʼenhat nʼohen toj owʼenhahiche. Tej toj ohopehen wichi toj wʼet mʼayhayhas tʼat, olhamel oihi nʼoka wichi toj malhnhiyejtʼa iwoye iyhaj (Apóstoles Lhenhay 4:13; 10:34, 35).

  • ¿Atsi mʼayhay toj inamejen toj malhyej iwoye iyhaj wichi?

  • ¿Atsi mʼayhay toj isen toj nalechufwenejen toj talho Biblia?