Skip to content

Skip to secondary menu

Skip to table of contents

Wichi toj yen Lhometa Heowa

wichi

¿Atsi wichi toj iwoye Heowa lenechʼethayaj ifwalasna?

 NʼOCHUFWENYAJAY 13

¿Atsi toj hope nʼoelh toj ifwoyenche nʼayij?

¿Atsi toj hope nʼoelh toj ifwoyenche nʼayij?

Canadá

Nʼoelh toj ifwoyenche nʼayij toj iwo lhometa

Nʼoelh toj nʼochufwenej Dios Lhomtes

Toj weihalhapej lhamel lhaichufwenej Dios Lhomtes

Tichunla hinʼu toj is che inuhyenkwe iyhaj lhip toj is che inukwe toj ihi tayhi, lhip toj hanhiyejtʼa che iche nʼoelh che ihoho. Is che yisthen halʼoy, iwaklhat nʼayij wet ifwenho iyhaj toj is che ihan lenʼayij. Nʼoelhtso hope nʼoelh toj ifwoyenche nʼayij (precursor). Malhyej iwoye Jesús lewhay toj iʼpe honhatna. Nʼochen pʼante honhate hopkhilak lhayen wichi lakawoya wet ifwoyenche nʼayij yamlek wichi tafwayhen wet ikatej lewʼatshancheyaj toj tʼun (Mateo 20:28). Ifwalasna olhamel oten Jesús wet otiyej kanhi iyhaj mʼayhay hopkhilak owo lhometa wet wujpe lewhay toj olhamel ochufwenhen wichi (Mateo 28:19, 20). Iche iyhaj toj lhamel ikalelhat toj hope elh toj ifwoyenche nʼayij.

Nʼoelh toj matche toj wuj toj iwo silota Dios Niyatyaj. Nilhokej olhamel wichi toj yen lhometa Heowa, owo lhometa. Mat iche iyhaj toj ikalelhatcha mʼayhay toj hiwʼen hopkhilak iwoyek hope nʼoelh toj ifwoyenche nʼayij wet iwo lhometa setenta horas nilhok iwelʼas. Hopkhilak lhamel iwoyek iwoye tajtso, tʼukwe lechumet toj tajlhamet toj lechowej ifwala toj tachuma. Iyhaj nʼotshupyene hopkhilak hope nʼoelh toj ifwoyenche nʼayij nilhok lewhay wet nʼothate lhip elh honhat toj nʼowatla wujpe wichi toj iwo lhometa. Lhamel iwo lhometa nilhok iwelʼas ciento treinta horas wok inuʼpe. Lhamel lekajyaj ihiche, tej toj wujitʼa mʼayhay toj hiwʼen wet tʼekhaye Heowa toj hiwʼenhohla mʼak toj lhamel iwatla (Mateo 6:31-33; 1 Timoteo 6:6-8). Lhapunfwas toj iwohiyetʼa che malhyej iwoye iyhajtso, iwoyek hope nʼochʼotfwa toj ifwoyenche nʼayij, toj lhamel iwo lhometa treinta wok cincuenta horas toj ihi weihalha iwelʼa.

Lehumnhayaj toj itiyej Dios wet iyhaj wichi hop toj inityen hop nʼoelh toj ifwoyenche nʼayij. Malhyej iwoye Jesús, olhamel otafwelej toj wichi matche toj iwatla lechʼotyaj yamlek ise Dios (Marcos 6:34). Mat olhamel ohanej toj iwoyek isej athana, hop toj hiwʼenho leniwhayaj toj matche toj tʼaytshihla toj is mʼak toj ihi lewhayis toj tataye. Lehumnhayaj toj itiyej iyhaj, inityenej nʼoelh toj ifwoyenche nʼayij toj itiyej kanhi iyhaj mʼayhay wet ichumyenlhi lakhajyhayaj yamlek tachʼote iyhaj toj ise Dios (Mateo 22:39; 1 Tesalonicenses 2:8). Hate matche toj ilate toj lekajyaj ihi toj tajtso ikhajyen tʼekhahyaj wet yam takhajay toj lakalayʼi Dios (Apóstoles Lhenhay 20:35).

  • ¿Atsi toj hope nʼoelh toj ifwoyenche nʼayij?

  • ¿Atsi toj ikhajyen iyhaj toj hopehen nʼoelh toj matche toj wuj toj iwo silota?