Skip to content

Skip to secondary menu

Skip to table of contents

Wichi toj yen Lhometa Heowa

wichi

¿Atsi wichi toj iwoye Heowa lenechʼethayaj ifwalasna?

¿Atsi mʼak toj Dios lenechʼethayaj?

¿Atsi mʼak toj Dios lenechʼethayaj?

Dios tʼuhlak nawʼen lhawʼatshancheyaj pajlaʼtha tiyajʼattsiy toj lhatamsek ihi wet lhakajyaj ihi toj nehi honhat toj wʼatshan wet isilataj.

Mat nʼalej toj ihi atichunhayaj toj iwoyek lhok: «¿Ha iwoyek malhyejtso?». Biblia ikalelhat toj Dios Niyatyaj yamla matche tajtso. Nʼoelh toj yenlhi pʼante namel tʼuhlak nilhokpe honhat ihanej mʼayhay toj talhejla Dios Niyatyajtso wet lenechʼethayaj toj iwatlak itiyej nilhokej wichi (Salmo 37:11, 29; Isaías 9:7).

Dios tʼuhlak naisen.

Malhyej iwoye nʼojcha toj humnhatsaj toj iwatlak is mʼak toj leles ihi, Lhajcha toj ihi pele tʼuhlak nen kajyaja pajlaʼtha tiyajʼattsiy toj lhakajyaj ihi (Isaías 48:17, 18). Lham hitʼunhatche lhomet toj yome toj «elh tä iwoye Dios lenechʼethayaj [iläyhla] yämlek tiyäjʼattsiy» (1 Juan 2:17).

Dios tʼuhlak nanukwehen lenʼayhay.

Dios Lhomtes ipayen namehen toj Nʼoelh toj yenlhi pʼante namel «ichufwenla nʼamejen lhämtes yämthilek yʼawoye tʼat» wok nanukwehen lenʼayhay (Isaías 2:2, 3). Lham ihutwek pʼante wichi «yämlek tʼähiche lhamel iyhäj wet yen laka wichiya [wok «wichi toj yen silotyaja lhey», TNM]» hopkhilak imalhewek honhat itafwelej lenechʼethayaj (Apóstoles Lhenhay 15:14).

Dios tʼuhlak wichi toj nʼokwiyej nalepʼajtitwek.

Religión toj matche hiwʼenhatiyejtʼa kanhi wichi iyhaj, mat hipʼajtitwek hop toj isej nʼohumnhayaj (Juan 13:35). ¿Atsi wichi toj ichufwenhen hinʼul wet atsinhay toj ihiche nilhokej honhates hopkhilak lhaipʼajtitwek toj nʼokwiyej Dios? Olhamel otʼalhej ame che letetshanchʼoye lechulhyaj, lechumyenlhi tʼat librofwajna.