Skip to content

Skip to secondary menu

Wichi toj yen Lhometa Heowa

wichi

¿Atsi toj hope Dios Niyatyaj?

¿Atsi toj hope Dios Niyatyaj?

Iche iyhaj wichi toj yome toj yok ...

  • ... matche, olatpejchʼoye hop taja.

  • ... Kha, ihichetʼa lewhay che olatchʼoye.

  • ... ohanhiyejtʼa mʼak toj hope.

 MʼAK TOJ BIBLIA YOME

«Häp Dios tä pule Lewuk lhamlak inechʼayen nʼoniyatyaj tä nittäya, wet nehit katsik ikalhihila» (Daniel 2:44, Dios Lhämtes tä Matchehen)

«Dios hiwʼen nʼamhohen lhäs, wet hiwʼenho lakhajyhayaj yämthilek häpe niyat» (Isaías 9:6)

ATSI LEN’AYHAY TOJ IWOYEK AISEJ

  • Nʼoniyatyaj toj leʼisyaj ihi toj iwoyek aisej (Isaías 48:17, 18).

  • Tatay alhoho honhat toj nechʼe toj wichi toj ihihla nemlat tʼinhayajay ihi wet lekajyaj ihihla (Apocalipsis 21:3, 4).

 ¿HA ICHE MʼAYHAY TOJ TAMENEJ TOJ IS CHE NAMATITCHE MʼAK TOJ BIBLIA YOME?

Iche, natetshan dos:

  • Jesús inʼalit pʼante mʼak toj Dios Niyatyaj iwohiyela. Ichufwenej pʼante lechufwenkay toj iwo tʼalhyaja hopkhilak nam Dios Niyatyaj wet hopkhilak lenechʼethayaj wakʼalh toj ihonhatena (Mateo 6:9, 10). Jesús ipayne pʼante atsihila lenʼayij toj nichulhihola nʼotʼalhyajna.

    Lewhay toj iʼpe pʼante honhat, Jesús hiwʼenho pʼante wichi toj ichuyuhen mʼak toj is che tuj, ichesthen pʼante wichi toj tʼinhayaj ilanhen, wet ilayhthiche pʼante wichi toj yʼinhen (Mateo 21:14; Juan 11:38-44). Toj hopkhila Niyat toj ihi Dios Niyatyaj, iwoye pʼante toj inʼalit mʼayhay toj isis toj Nʼoniyatyajtso iwohiyejela wichi toj ichufwi (Apocalipsis 11:15).

  • Mʼayhay toj iʼpe honhatna inʼalit namejen toj tatay lhimpaj wet Dios Niyatyaj namla. Jesús yome pʼante toj Dios Niyatyaj ichajla namehen nʼotamsek, mat toj ichun nʼanhila wujpey nʼokaʼtshayajay, nehlas wet honhat wʼahu (Mateo 24:3, 7).

    Ifwalasna nʼal mʼayhaytso toj Jesús yome pʼante. Toj malhyejtso, namel iwoyek natʼekhaye toj tatay lhimpaj wet Dios Niyatyaj namla hopkhilak itayhat nilhokej nʼowitʼayhyajay.

 TʼATSHAN AME

¿Atsihila mʼak toj inamejen che nechufwi Dios Niyatyaj laka leyes?

Lewʼenla lechulhyaj toj ihi SALMO 37:29 wet ISAÍAS 65:21-23.