Skip to content

Skip to secondary menu

Skip to table of contents

Wichi toj yen Lhometa Heowa

wichi

Chufwenhen ales

 NʼOCHUFWENYAJ 1

Nʼoskalhek toj nawatlak natafwelej

Nʼoskalhek toj nawatlak natafwelej

¿Ha iche pʼante lewhay che iche nʼoelh che ifwel amho mʼak toj isitʼa che lefwel?​... * Che malhyejtso, tajtso hope mʼak toj nʼoyok nʼoskalhek, tsi iyhaj wichi ihanhiyejtʼa. Dios Lhomtes yome nʼoskalhek toj matche toj laha ihi wet iwo lheya toj yok nʼoskalhek toj nʼotʼamajchet. Hope nʼotʼamajchet tsi talhe Dios. Toj ichun pʼante ihichetʼa pʼante nʼoelh che ihanej. Yʼaje pʼante ángeles toj iwatlak ihanej mʼak toj hope. ¿Ha lewatlak lehanej atsi toj hope nʼoskalhektso?​...

¿Atsi pʼante mʼak toj ángeles iwatlak ihanej?

Lewhay toj matche toj pajche pʼante, Dios yenlhi pʼante hop hinʼu wet atsinha. Lhamel hopehen pʼante Adán wet Eva. Lhamel ihi pʼante yachuyajwʼet toj lhey Edén. Matche toj isilataj pʼante hop lhiptso toj Dios hiwʼenho pʼante hop lhamel hopkhilak yen lewʼeta. Dios iwatla pʼante che lhamel wet lhayʼe leles lhamel yam isilataj nilhok Honhat, malhyej iwoye hop yachuyajwʼet toj lhey Edén. Lham iwatla pʼante che nilhokej lhamel ilayhiche toj ihi honhat toj wʼatshan wet isilataj yomthilak tiyajʼattsiy. Mat, ¿ha lehanej atsi mʼak toj Adán wet Eva iwoye pʼante?​...

Adán wet Eva tachʼahuhiyetʼa pʼante Dios, wet hop toj tamenej toj nemhit nehi ifwalasna hop honhat toj wʼatshan wet isilataj. Mat Dios pajche pʼante ifwel toj honhat yachajohla toj hope honhat toj isilataj wet nilhokej wichi ilayhichehla yamlek tiyajʼattsiy wet lekajyaj ihichehla. Lham ihanej pʼante iwoyneje toj iwoye tajtso. Mat, wujpe lewhay toj tafwaytshi, kamaj ihichetʼa pʼante wichi che ihanej. Hope pʼante nʼoskalhek.

Lewhay toj Jesús ihi pʼante honhatna, ichufwenej pʼante wichi atsi toj hope nʼoskalhekna. Lham yome pʼante toj hope Dios Leniyatyaj. Jesús ichufwenej pʼante wichi toj is che tʼalhe che nam Dios Niyatyaj lewhay toj iwo tʼalhyaja, tsi nʼoniyatyajna yamla wʼatshan wet isilataj honhatna.

¿Ha akajyaj ihi toj lehanej athana nʼoskalhekna?⁠... Tichunla toj tajlhamet wichi toj tachʼahuye Heowa toj ihihla Honhat toj wʼatshan wet isilataj. Hop Dios Lhomtes ipayen namehen hinʼul wet atsinhay toj iche pʼante lewhay toj pajche toj lhamel tachʼahuye pʼante Heowa. ¿Ha lehuminchek alechufwenej mʼak toj iyej pʼante lhamel?... Natetshan atsi toj hope pʼante lhameltso wet atsi toj is che nawoye hopkhilak naten hop lhamel.

TETSHAN TOJ IHI DIOS LHOMTES

  • Colosenses 1:​26

  • 1 Pedro 1:​12

  • Génesis 1:​26-​28; 2:​8, 9; 3:​6, 23

  • Mateo 6:​9, 10

  • Salmo 37:11, 29

^ párr. 3 Nʼochufwenyajna wet iyhaj toj ihanlhi lewʼenla toj iche nʼoyʼatshanhay iyhaj, toj che tafwaytshi iche tres puntos (...). Toj tafwaytshi toj leyahin nʼoyʼatshanhayna, kasit ayej lhimpaj wet lewahnej toj as nichulho.