Skip to content

Skip to secondary menu

Skip to table of contents

Wichi toj yen Lhometa Heowa

wichi

Chufwenhen ales

 NʼOCHUFWENYAJ 9

Jeremías ilehiyejtʼa pʼante toj yen lhometa Heowa

Jeremías ilehiyejtʼa pʼante toj yen lhometa Heowa

¿Atsi mʼak toj tamenej toj wichi itiyej pʼante lefwitseyaj Jeremías?

Heowa ifwayhat pʼante Jeremías

Iche lewhay toj wichi iti namejen lelakwyhanyaj lhayʼe lefwitseyaj lewhay che nen lhometa Heowa. Tajna iwoyek tamenej toj naleyej toj nen lhometa. ¿Ha ichepej lewhay toj ahatetso?​... Dios Lhomtes yome toj iche pʼante mamse toj ihumin Heowa, mat tatay pʼante lhimpaj che ileyej toj yen lhometa Dios. Mamsena lhey pʼante Jeremías. Lhek natetshan mʼak toj iyej pʼante.

Lewhay toj Jeremías hope pʼante hinʼu toj mamse, Heowa tʼalheje pʼante che ifwenho wichi toj is che ileyej toj iwoye mʼayhay toj niʼisa. Tajna hope pʼante mʼak toj matche toj atha che Jeremías iwoye, wet noway pʼante. Lham yome pʼante Heowa toj yok: ‹Olham ohanhiyejtʼa toj oyamlhi. Tajlhamet toj omamse tʼat›. Mat Heowa ifwenho toj yok: ‹Yej lenoway. Otachʼotla ame›.

 Toj malhyejtso Jeremías iwo pʼante tesa toj ifwenho Israel lhayis toj che lhamel ilehiyejtʼa toj iwoye mʼayhay toj niʼisa, Dios itihiyeja lekalelhthayaj. ¿Ha lefwetaj wichi iwoye pʼante mʼak toj Jeremías yome pʼante?​... Kha, lhamel ilakwlhi pʼante wet itiyej lefwitseyaj. ¡Iche pʼante iyhaj wichi toj iwatlak ilan! ¿Atsi toj atichunhayaj? ¿Ha Jeremías noway pʼante?​... Lham noway pʼante wet yok: ‹Athana nemhit oyen lhometa Heowa›. Mat, ¿ha matche toj ileyej pʼante toj yen lhometa Heowa?​... Kha, ilehiyejtʼa pʼante. Lham matche pʼante toj ihumin Heowa, hop toj tamenej toj ilehiyejtʼa toj yen lhometa. Toj malhyejtso Heowa ifwayhat lham.

Iche pʼante lewhay toj Jeremías letayhfwas ithate pʼante chowej toj pitoj toj iyhat tapoyej. Lham hiwʼenhitʼa pʼante mʼak che tuj wok iyayej. Hinʼultso tʼupʼantehlak Jeremías yʼil. Mat Heowa tachʼote pʼante, hop toj tamenej toj tafway pʼante.

¿Atsi mʼak toj ichufwen amej mʼak toj iyej pʼante Jeremías?​... Tej che ichepej toj noway, ilehiyejtʼa pʼante toj yen lhometa Heowa. Toj malhyejtso che lhen ameta Heowa iwoyek iche wichi toj iti amej lelakwyhanyaj lhayʼe lefwitseyaj. Nʼalej toj am lelate toj lenafwel wok lenoway. Mat isitʼa che iche lewhay che leleyej toj lhen ameta Heowa. Yej pʼethatla toj Lham ifwalapej tachʼotla ame, hate iwoye toj tachʼote pʼante Jeremías.

TETSHAN TOJ IHI DIOS LHOMTES

  • Jeremías 1:​4-8; 20:​7-9; 26:​8-​19, 24; 38:6-​13