Skip to content

Skip to secondary menu

Skip to table of contents

Wichi toj yen Lhometa Heowa

wichi

Chufwenhen ales

 NʼOCHUFWENYAJ 6

David nowayhitʼa pʼante

David nowayhitʼa pʼante

¿Atsi mʼak toj lewoye che lenoway?... Nʼalej toj am letʼukwe ako wok ajcha hopkhilak tachʼot ame. Mat iche nʼoelh toj hate iwoyek tachʼot ame. Lham hope elh toj matche toj takhajay, inuʼpe nʼoelh at che hope. ¿Ha lehanej nʼoelh toj hope?⁠... Am letafwelej, hope Heowa. Athana lhek natetshan mʼak toj iyej pʼante hinʼu mamse toj Biblia yen lheya David. Lham ihanej pʼante toj Heowa ifwalapej tachʼothiyela, hop toj tamenej toj nowayhitʼa pʼante.

Talhe toj kamaj David hanʼofwaj, lajcha wet lako ichufwenej pʼante toj is che ihumin Heowa. Tajtso tachʼote pʼante David toj nowayhitʼa, tej che iche pʼante mʼayhay toj tanhowatnhan. David ihanej pʼante tʼat toj Heowa hope Lakalayʼi wet toj tachʼothiyela tʼat nilhok lewhay. Iche pʼante lewhay toj David tʼuye pʼante lelay tsonʼatas iyhaj wet nam tʼowalhaj wet ichaj tsonʼataj elh toj itihi lakʼaj. ¿Ha lehanej mʼak toj David iwoye pʼante? Lham ihan pʼante hop tʼowalhaj wet ichumyenlhi pʼante pʼiya lekweyey toj ilan. Lhayʼe toj lewhay toj sulaj inuye pʼante lelay tsonʼatas, hate ilan pʼante. ¿Atsi toj lefwetaj tachʼote pʼante David?​... Hope pʼante tʼat Heowa.

Iche pʼante elh lewhay toj David matche pʼante toj inʼalit toj hope nʼoelh toj tʼotle tʼun. Hop Israel lhayis tatayhla pʼante wichi toj lhey Filisteo lhayis. Iche pʼante Filisteo lhayis lakaʼtshayajwo toj hope pʼante elh toj matche toj pitaj. Hinʼutso lhey pʼante Goliat. Hinʼutso toj matche toj pitaj, ilakwlhi pʼante hop Israel lhayis wet Heowa. Goliat ilakwiye pʼante Israel lakaʼtshayajwos toj is che lhamel tatayhla. Mat nilhokej lhamel matche toj nowaye pʼante. Toj David ilate tajtso, yome pʼante Goliat toj yok: ‹¡Olhamlak otay ahila! ¡Heowa toj tachʼotla nʼoye wet okalhla amhi!›. ¿Ha lefwetaj David hope pʼante elh toj tʼotle tʼun?​... Hope, tʼotle tʼun pʼante. ¿Ha lewatlak lehanej atsi pʼante toj iwoye David toj paj?

David tachuma pʼante lefwomthis wet cinco tuntey wet ihoye pʼante hop hinʼutso toj pitaj toj tatayhla. Toj Goliat hiwʼen pʼante toj David hope mamse, lham ilakwlhi. Mat David yome pʼante toj yok: ‹Am leho nʼoye wet lechajlhi nʼofwajnhat, ¡mat olham oho ame wet oisej tʼat Heowa lhey!›. Toj malhyejtso, ithatho tunte lefwomthis wet inu alhoho toj ihohla Goliat, wet yam is alhoho toj ithatej. Hop tunte taj Goliat lhetek. Hop hinʼutso toj matche toj pitaj nichat katsi wet yʼil. Hop Filisteo lhayis matche toj nowayhen  wet hop toj tamenej toj nilhokej toj inukwe alhoho. ¿Atsi mʼak toj tamenej toj David toj hope hinʼu toj mamse iwoyek ikalhi hop hinʼu toj matche toj pitaj?​... Heowa tachʼote pʼante lham, wet Heowa lakhajyhayaj inuʼpe hinʼutso.

David nowayhitʼa pʼante, hop toj ihanej pʼante toj Heowa tachʼothiyela

¿Atsi mʼak toj iwoyek ichufwen amej mʼak toj iyej pʼante David?​... Heowa lakhajyhayaj inuʼpe nʼoelh at che hope. Wet lham hope Akalayʼi. Hop toj tamenej toj che lenoway yej pʼethatla toj Heowa iwoyek tachʼot ame hopkhilak ahope elh toj tʼotle tʼun.

TETSHAN TOJ IHI DIOS LHOMTES

  • Salmo 56:​3, 4

  • 1 Samuel 17:20-​54