Skip to content

Wichi toj yen Lhometa Heowa

Select language wichi

¿Ha Ahottaj iwoyek iti natapehen lakhajyhayaj?

¿Ha Ahottaj iwoyek iti natapehen lakhajyhayaj?

Biblia lechulhyaj

Ahottaj wet ahot lhayis matche toj lakhajyhayaj i’pe wichi, hop toj tamenej toj Biblia yok: «Honhat imälhewek tä ichufwi ahättaj lakhajyhayaj» (1 Juan 5:​19). Toj ihi Biblia, hate ikalelhat m’ayhay toj ahottaj iwoye toj in’alit lakhajyhayajtso. Natetshan iyhaj m’ayhaytso.

  • Ifwech’enwetha wichi. Dios Lhomtes ifwel namhohen toj is che «[na]tumlä ahättaj tʼakanyajay» (Efesios 6:​11). Len’ayij elh toj Satanás t’uhlak ifwech’enwetha wichi, hope toj t’uhlak lham lakawos, wichi yenek hope t’at Dios lakawos ​ (2 Corintios 11:13-​15).

  • Hiyawul chumtes. Ahottaj ichumyenlhi hiyawul, han’altshantses, iyhaj toj lhaichufwenejen toj itetshan katetsel wet iyhaj toj iwoye hiyawul chumtes hopkhilak ifwech’enwetha wet iwetahat wichi (Deuteronomio 18:10-​12). Hate, wichi toj ichumyenlhi drogas, inuhit’ahla toj ahot lhayis iwoyek lhayen lewuka letichunhayaj ​ (Lucas 11:24-​26).

  • Religión toj kamatache. Religiones toj kamatachehen toj ichufwenhiyejt’a wichi m’ak toj matche inuhla toj wichi t’uhlak tach’ahuye Dios (1 Corintios 10:20). Dios Lhomtes yome toj m’ayhaytso toj kamatachehen, hopehen «ahät lhayis [...] lechufwenyajay» ​ (1 Timoteo 4:1).

  • Wichi toj ahot lanhay. Dios Lhomtes yome toj iche p’ante wichi toj espíritus toj fwitses lelanhay. Ichepej toj espiritustso yam asnhamisa wichi, isoyej toj iwoyek yamwetha wok itilhamejen lelatshay .​ (Mateo 12:22; Marcos 5:​2-5).

¿Atsi m’ak toj iwoyek nawoye hopkhilak Ahottaj itihit’a natapehen lakhajyhayaj?

Isit’a che namel natiyej lhanowahyaj Satanás wet ahot lhayis, hop toj Biblia ichufwen namenej toj natayhla lakhajyhayaj. Hop m’ayhayna toj iwoyek nawoye:

  • Nalechufwenej atsi «lakeyes», wok m’ayhay toj ichumyenlhi toj ifwech’enwetha wichi hop Ahottaj, hopkhilak nachatihot’a t’akanyajay (2 Corintios 2:11).

  • Nalechufwenej Biblia wet nawoye m’ayhay toj ichufwen namejen. Che nahanlhi m’ayhay toj matchehen toj ihi Biblia, t’uhla namehen hopkhilak ahot lhayis lakhajyhayaj nichatit’a namehen ​ (Efesios 6:​11-​18).

  • Natiyej kanhi nilhokej m’ayhay toj iwoyek talhejla ahot lhayis (Apóstoles Lhenhay 19:19). Hate nilhokej m’ayhay toj in’alit hiyawul chumtes, malhyej libros, videos, músicas, revistas wok n’opeyak at che hope.