Tolu Talatuku: Ko Te Hahaʼi Agalelei Fuli ʼe Natou ʼOlo Ki Te Lagi
ʼE haʼu maifea ia te talatuku ʼaia? ʼI te mate ʼa te kau ʼapositolo ʼa Sesu ʼi te kamata ʼo te lua sēkulō ʼo totatou temi, neʼe liliu ʼo maʼuhiga ia te ʼu ʼuluaki Tamai ʼo Te ’Ēkelesia. ʼO ʼuhiga mo tanatou ʼu faiakonaki, ʼe ʼui fēnei ʼi te tohi New Catholic Encyclopedia (2003), Tohi 6, pāsina 687: “Ko te manatu māhani ʼo te akonaki, neʼe ko te fīmālie taulekaleka ʼe foaki ki te nefesi ʼaē kua mavae ʼi te sino ʼi te hili pē ʼo he faʼahiga fakamaʼa neʼe ʼaoga ke fai ki he tahi kua mate.”
Koteā te manatu ʼi te Tohi-Tapu? “Fiafia ia nātou ʼaē ʼe agamalū, heʼe natou maʼu anai te kele.”—Mateo 5:5.
Logolā neʼe fakapapau e Sesu ki tana ʼu tisipulo ʼe ina ‘teuteuʼi anai he nofoʼaga’ maʼa nātou ʼi selō, kae neʼe ina fakahā ʼe mole ko te kau faitotonu fuli anai ʼaē kā ʼolo ki selō. (Soane 3:13; 14:2, 3) Neʼe mole faikole koa lā ia Sesu ke hoko mai te finegalo ʼo te ʼAtua “ ʼi te kele, ohagē ko selō”? (Mateo 6:9, 10) ʼI tona fakahagatonu, ʼe ko te kau faitotonu ʼaē kā natou maʼu anai te fakapale peʼe ʼi selō peʼe ʼi te kele. ʼE ko te tokosiʼi ʼaē kā māʼuʼuli anai ʼi selō pea mo Kilisito, kae ko te tokolahi ʼaē kā māʼuʼuli anai ʼo heʼegata ʼi te kele.—Fakahā 5:10.
ʼAki te temi, neʼe fetogi te manatu ʼa te ʼuluaki ʼēkelesia ʼo ʼuhiga mo tana ʼu gāue ʼaē ʼe ina fai ʼi te kele. Koteā tona fua? ʼE ʼui fēnei ʼi te tohi The New Encyclopædia Britannica: “Ko te ʼēkelesia Katolika neʼe ina fetogi māmālie ia te Puleʼaga ʼo te ʼAtua [ʼaē neʼe fakatalitali kiai te ʼu tisipulo].” Neʼe fakamālohiʼi e te ʼēkelesia tana pule, ʼaki tana kau ki te ʼu gāue fakapolitike, ʼo ina meʼa noaʼi ai te fakatotonu ʼaē ʼa Sesu ki tana ʼu tisipulo, ke mole natou ‘kau ki te mālamanei.’ (Soane 15:19; 17:14-16; 18:36) ʼI te takitaki mālohi ʼa te Pule Loma ko Constantin, neʼe fetogi ai leva e te ʼēkelesia ʼihi ʼana akonaki, ʼaē neʼe kau ai te akonaki ʼo te ʼuhiga moʼoni ʼo te ʼAtua.
Vakaʼi ia te ʼu vaega Fakatohi-tapu ʼaenī: Pesalemo 37:10, 11, 29; Soane 17:3; 2 Timoteo 2:11, 12
TE MANATU ʼAĒ ʼE MOʼONI:
Tokolahi te hahaʼi agalelei ʼe natou māʼuʼuli anai ʼo heʼegata ʼi te kele, kae mole ʼi te lagi
[Haʼuʼaga ʼo te paki pasina 6]
Art Resource, NY