Johova Witnis ga porpor, enjep ding dingne kapisim mal kontrobisen ngom, kontribisen e mal tambem yemyem kongan porpor min wonom pakeronom. a Kin lotu gar seiyem bar kontrobisen boks seim, ala wusngam pende alamb donesen ngonam mal jw.org (Donesen pane mento paim kane) ngom. Wusngam jeljel pende pra seim karkar ere donesen ngo mal yemyem poro kongan pakerom, mo meim bar kongan pakerom mo tal ai pakeronom.

 Johova Witnis ga namba 10 ap wal kontrobisen nangom, mo ku nalnal ngonam makro pakle nangom, ma. (2 Korin 9:7) Kin ku ngoiya ne wi naromon, mo alamb ki si ku ngo makeromon bar wonam pananimen eri, ala kin meimen bar molse ngimba pum ga ku si pakle alamb nol pakil nangom, alamb gosum bar yunim, bolsim bar mo lotu kongan pende esim bar pra. Kin wal ere ku sinamen ne na esmen, e embe, mokun ku nabosmon, game pende to ku kamkam ersinam ne esim mal embe naesmen ala alamb ki si donesen ngoya nanimen eri. Ala namal donesen ngonom kin kangem neori nakele enjin. (Matyu 6:2-4) Kin websait, Baibel buk na nus meim bar, ku sinamen ne wal ere tananimen eri.

 Johova Witnis kongrikeisen porpor se punom bar, oll ding dingne make esmen bar akaunt ripot nine enjip, ala alamb make ele wom ripot e pisim eri. Donesen konganem nalmal esim mal ripot ninambe kongrikeisen pilkane esim.—2 Korin 8:20, 21.

Wusngam Pende Donesen Ngondol

•   Kontribisen boks: Kin Kingdom Gar, Kibung Dumam, na tambem pende make esmen bar kontrobisen boks seim bar nim ku mo sek ele kerel.

•   Intanet wusngam a ku ngondol: Kantri puli, kin websait a “Johova Witnis Donate” pane seim bar pu kredet kat wusngam a kontrobisen ngom, debit kat, benk trenspe, ala wusngam pende pra eri. b Witnis pende oll dingne “ku pende si jel kel seim,” e wusngam ende ga konganem ere donesen ngom eri. —1 Korin 16:2.

•   Wusngam erkun ere ngondol: Doneisen ngondol yero nim wusngam erkun endel, mo loya ende kane bunuman sindel. Kantri pende nim ku ngo lotu kongan pakeronal ne pindal, takis pende paim nim nangondol. Alamb puli enjep kol meim kunum mo enjep goram kunum ku na wal pende presen mal ngonam enjep wusngam kandumb wei nim, e enjep pakerondo wal omuk karom. Nim wusngam pende karkar ere donesen ngonal nepin dal, kaple erim dal, nim kantri mein bar Johova Witnis brens opis seim ring kele wal pende kanpol tondol:

  •   benk akaunt

  •   insurens na kongan sekele ku sim

  •   gar mo mal

  •   kampani waldam bol lown sindel

  •   pepa borol

 Nim mein bar wusngam pende kanpolto donesen ngonal nepin dal, kin websait “Johova Witnis Donate” pane paim bar pu ngondol.