Baibel pundom ngonom

 Baibel kenem alamb porpor “pasdia esim mem” bol tuiro kolbar moramen Got kapisem pandom. (1 Tesalonaika 4:3) Baibel a yu, “pasdia” e ye mo amb bolsim pasdia esim, yeye na ambamb wurding paim ala ye amb bolnasim wurding paim e pildom.

•  Ye amb bolsim mo bol nasim nal ende Got dungol a wal kerma paiyem?

•  Yera na ambra komb bolnasim kunum yero enjep ai ami ne meim, kun paim moma omukro kanjel?

•  Bolsim ga nalmal ere ala bolsim mem erdongal enam?

 Ye amb bolsim mo bol nasim nal ende Got dungol a wal kerma paiyem?

•   Bolsim mem e Got bol wonom. Olom bolsim mem ersem embe pile komna ye na amb siding kem. (Stat 2:22-24) Ye amb bolnasi kisi ai meim olom kanapisem.

•   Alamb pakeronda wal paiyem Got olom kanem. Bolsim mem Got olom ersem, embe pile yeamb kunum kunum ai moram olom kapisem, nalerim embe enambel bar pemili kantawol ka enda. Yu ekin e omukro kane. Kampani ende bol sia na teibol tabem jeljel ere nim nalmal tambem jeljel ertokol sindel mal karkar endel yu nengonam, embe dingmal nal wusngam pende Got pemili kapil moram mal yune ngonom. Alamb Got yu pil karkar esim weieri enjep pakeronom.—Aisaia 48:17, 18.

•   Bolnasim ga wurding panjip dal ombun kerma min wonda. Ende embe mal, amb ngal moksa, pasdia kes sinam, ala kumbol ombun kerma sim eri.

•   Got yeamb bolsi ngal kurambel ne ersem. Got kolmem wal kuru wei mal pisem, ala ngal kusum e presen kawei ende. Got olom kapisem presen e bol molmen kesmen e tane penema kesmen bolsim mem lo kem paiyem bar karkar esmen.—Hibru 13:4.

 Yera na ambra komb bolnasim kunum yero enjep ai ami ne meim, kun paim moma omukro kanjel?

 Bol sinambel bar ka morambel ne pinjil dal, kisi molo “anj dunglom” keramble kisi wona punda. Ma. Ye na amb bolsimbel kunum enjel ai molo bunuman dongal pande wal ai ere ombun paiyem erkun esbel. aBolsim mem yeamb bunuman erdongal erde ai molo ende waknaronambel.—Matyu 19:6.

 Bolsim ga nalmal ere ala bolsim mem erdongal enam?

 Bolsim ga ka eri pil nameim ma. Ba, bolsimbel yeamb Got yuwom Baibel a meim karkar enjil dal, bolsimbel bar kapil morambel. Baibel yu pende karkar enam mal meim:

•   Bolsinen alamb nalmal pisem mal yero pilngondol.—1 Korin 7:3-5; Filipai 2:3, 4.

•   Kanka mem si ende ende bol molmene kerel.—Efesus 5:25, 33.

•   Yu pilpol to nindel.—Provep 12:18.

•   Wimuk wamnam nane alla wakrondol ne ernomb rondol.—Kolosi 3:13, 14.