Baibel pundom ngonom

 Ma. Baibel Got bol mongsi yane ninamen, ala Jises kangem a ni keramen mal tadom. Jises disaipol aiyem man embe ningom: “Enem embe yane ninam: Danjen, min epen meiyen, kangnem kuru senda.” (Matyu 6:9, Buk Baibel) Olom disaipol aiyem man santu, enjol, mo alamb ende yane ningonam pananim ba Got mongsi yane ningonam panim.

 Jises disaipol aiyem man pra embe ningom: “Na nam wusngam, yuwei, na kolmem. Na dana meim bar alamb ende wusngam jel ende olom bol napunam ba na wusngam a olom bol punam.” (Jon 14:6, NAB) Got Jises makrom pile olom wusngam a mongsi Got bol yu ninamen.—Hibru 7:25.

Santu na Got bol ai yane ninal nalmal panda?

 Tenpla Lo, yu tambem ende Got embe nim: “Na kerma, na enem Gotjop, na kankelne got gend ende na dumam nasinda.” (Kisim Bek 20:5, NAB) Lotu esim wal porpor—e yane makronom eri, Got kapisem—olom bol mongsi punda.—Aisaia 48:11.

 Kenem wal ende bol yane ninjin dal Got kumbol ombun sinda e santu, enjol, kuru mo alamb ende. Aposol Jon enjol ende lotu erngonal ne erim kunum, enjol mapane embe nim: “Nim embe naere! Na pra nim angnem man bol kenem kongan ding ga, e enem Jises yu neori kem pilgi ninjip ga. Nim Got dingeri lotu erngondol.”—Revelesen 19:10, NAB.