Baibel pundom ngonom

 Ma. Baibel kun ni penema kerem Got alamb ere, “wal kanem kanem” tukong na ondmol pra erim padom. a (Stat 1:12, 21, 25, 27 Revelesen 4:11) Mala alamb porpor Adam na Iv wusngama min wonjup pane Baibel dom, e kenem komna danjen manjen tal. (Stat 3:20; 4:1) Got evolusen wusngalem a kolmem pam wal porpor erim pane Baibel yubol naronom. Ba, wal kanem kanem kol meim enjep grupjep a jeljel meim pane sains yubol tonom, Baibel bol woseding punom.

•  Got evolusen wusngam a wal erim mo?

•  Evolusen yu Baibel yu bol woseding punom mo?

•  Wal kol pende tukong na ondmol meim bar min wonom kunum enjep wal pende ere kol molpameim e nalmal?

 Got evolusen wusngam a wal erim mo?

 Alamb pende pilgi nim tukong na ondmol dumam ka ende sem bar min wo ka molo ngal puli kunjup ne pilgi ninjip.

 Wal pare min wom pane bunuman embe ambsim tuwal ele pra paiyem:

•   Komnakamna wei kol meim wal porpor wal ding ende wusngam a min wonjup.

•   Alamb pende kol meim wal kindin gulo pu wal jelmal ende minwom nepinjip, enjep mongki kindin gulo se alamb kolpum nepinjip.

•   Got wal kol erim.

 Evolusen yu Baibel yu bol woseding punom mo?

 Wal nalmal pare minwom panim ga Baibel Buk Stat Got wal erim pane yubol tonom kun napaim panim. Ba, Jises kombe wal minwom mal Buk Stat yubol tonom wei paim panim. (Stat 1:26, 27; 2:18-24; Matyu 19:4-6) Baibel dom Jises ya mala nawom kunum yero, Got bol epen molo “wal porpor erim” padom. (Jon 1:3) Wal pare minwom pane bunuman embe ambsim Baibel yu bol woding napunom.

 Wal kol pende tukong na ondmol meim bar min wonom kunum enjep wal pende ere kol molpameim e nalmal?

 Tukong na ondmol enjep meim bar kunum nalnal yipal pende wose jelmal punam mal Baibel yubol naronom. Ala Baibel Got ondmol na tukong kanem kanem erim, ngal kuram mo se kulu kol ende punam kunum, yipal pende wose jelmal punam kaple naenem panadom. Embe paiyem ba alamb pende wusngam embe wal pare minwom ne pisim, ba wusngam ele wal kol ende kolmem pam min nawonom.