Baibel Pundom ngonom

 Weieri, kenem woseding pu lotu enamen ne Got kapisem. Baibel dom: “Kenem ding dingne alamb ende pilngonamen, ala enjep si akilpe kanka mem tane kongan ka enam ala make airomon mambnem wak naronamen.”​—Hibru 10:24, 25, putnout.

 Jises disaipol aiyem man lotu dulom ende tuwal punam pane embe nim: “Kanka mem enem bol tuwal sem dal​—alamb porpor pilkane enam enem na disaipol aiyem man.” (Jon 13:35) Wusngam kawei wei ende kanka mem taninamen, Jises Krais disaipol aiyem man pilgi ding ga bol tapairom. Enjep kongrikeisen a make airo kunum kunum lotu ai enam. (1 Korin 16:19) Ala enjep angam angam mal tambem yemyem poro dulom kermal ende moram.​—1 Pita 2:​17.

Nim lotu ding ende bol mongsi taprondol nim wal pende endel eri

 Weieri Baibel tane penema kerem alamb make airo Got lotu enam, ba alamb ende lotu a tuwal meim bar erkelde Got olom bol kanapisa. Got alamb ende bol kapisa pam dal, lotu pisem bar kunum kunum kankelde nomolpa enem bar olom kin wal pende enda. Ende embe mal, Baibel dom: “Danjen Got dungul a lotu kuru ere jengimb mambnem naenamen embe mal: Ngal danjep manjep nameim na amb kangil kantawol ere, enjep pakero ombun aijep kuwo, ala ya mala mambnem jengimb porpor kin kolbar moramen.”​—Jems 1:​27, futnot.