Contenido ata narukitane

índice sabasaba naru

 LECCIÓN 4

¿Sina tai Jesukirito?

¿Sina tai Jesukirito?

1. Kasabamo Jesú naoae?

Katukeme warao eraja jesú awere jakitane obonobuae? (MATEO 11:29; MARCOS 10:13-16)

Jesú jobaji arai dijawarakitane ebika najamutu eku mejokoji jae, tiame Jesú warao monukayana (Juan 8:23). Jeoba Jesú awajiabara nonae, Jesú arima sanetae kokotuka nonakitane (Juan 1:14). Dio akarata taisi isia dibia Dio auka “jisakawitu”, Diowitu tai nonaja. Jesú arima aribu dewarae, tiame Dio akarata taisi isia dibia “ribu jakutai”. Proverbios 8:22, 23, 30; Colosas 1:15, 16 teribu.

2. Katukeme Jesú jobaji ata naoae?

Dio jobaji ata auka inatabae. Dio auka iboma aobokabe eku abanae noboto monuka dijawarakitane. Tamaja iboma judía awai María. Tiame, Dio Jesú arima (Lucas 1:30-35). Tai jobaji ata naoae 1) Dio isia nome inaminakitane, 2) taisi anona isia ka inaminakitane Dio aobonobu nonakitane, oko sanamatayarone, 3) tai ka kuare wabae ka obojona asiraja isia amoara abakitane”. Mateo 20:28 teribu.

3. Katukeme ka ejeromejerei oko obonoya?

Adán kuare obojona asiraja daina eku nakae, taitane Adán anobotomo dijawarakore obojona asiraja isiko dijawarabuae, tiame anobotomo muanate Adán monuka, taisi kuare ka ejeromejerei oko obonoya. Warao jisaka ejeromejerei amoara abakitane ja (Ejobona 21:29, 30). Ama oko iramotaya, wabaya, tiarone awajiabara atukamo Dio tamaja ka saba obononatanae. Katukane oko tamaja naminaya? Jeoba Adán isia dibunae tai aribu nokonajakore, wabate. Adán Dio aribu nokoajakore, wabanaka jakuna (Awajiabara 2:16, 17; 5:5). Roma 5:12; 6:23 teribu.

 Oko wabanaka jakitane, sina ka ejeromejerei amoara abakuna? Oko wabakore ka obojona asiraja isia amoara abaya. Warao jisakarakate warao daisa aobojona asiraja amoara abanatakuna, oko kokotuka obojona asiraja jame. Salmo 49:7-9 teribu.

4. Katukeme Jesú wabae?

Jesú asiraja nonanatanae tai oko monukayana. Tai obojona asiraja ekira jae. Tiame Jesú ka aobojona asiraja kuare wabae. Dio auka inatabakore ka kuare wabakitane ka obonoyawitu emiae. Jesú arima aribu nokokore dakate ka kuare wabakore ka ejeromejerei tai ka obonoyawitu emiae. Juan 3:16; Roma 5:18, 19 teribu.

5. Ama sinama Jesú nonaya ja?

Jesú jobaji arai jakore, tai nobaramo ibajukaubuae, wabatuma ikaramaubuae dakate warao sanamataubuae kutai sanetae, tai tane emiae nonate kutai Dio awaraotuma saba (Mateo 15:30, 31; Juan 5:28). Jesú wabakore, Dio tai ikaramanae najamutu eku jakitane (Efeso 1:20). Taitane, Jesú arima amojonome dujunae yawakakitane Dio tai jobaji airamo monuka abamejerei (Ebereo 10:12, 13). Ama, Jesú najamutu eku airamo, tamaja dibu yakeraja anebutuma jobaji kokotukanea dewaraya. Lucas 1:32, 33; Mateo 24:14 teribu.

Ya jisaka eku utirajawituana o jakewitu Jesú airamo taerawitu monuka ka isanamo ka sanamata tane ekorate. Jesú ka daina jobaji yakeraja namonite, warao kokotuka Jesú isia nome abakore dakate Jesú aribu nokokore jobaji arai are jate. Salmo 37:9-11 teribu.