Contenido ata narukitane

Menú secundario sabasaba naru

índice sabasaba naru

Jeoba Arewaramo

warao

Deje yakeraja Dio isimo

 LECCIÓN 12

Katukane oko Dio amuaraisa takuna?

Katukane oko Dio amuaraisa takuna?

1. Dio warao kokotuka kuai dibuyajakutai nokoyara?

Oko kuai dibukore yakerawitu, toatane oko nonakore Dio amuaraisa takuna (1 Juan 5:14). Tiarone warao eraja kuai dibuyarone, Dio tatuma kokotuka nokonaja. Dio akarata dibuya nibora atira yatomanetenajakutai Jeoba taisi aribu nokonaja (1 Pedro 3:7). Israeltuma are nona asiraja nonakore Dio tatuma aribu nokonaja jae. Tiarone warao nona asiraja iabakore Dio taisi aribu nokoya. Juan 9:31; Anona 3:19 teribu.

2. Katukane oko kuai dibukitane ja?

Oko kuai dibukore Jeoba yatomanetea emia, tiame oko Jeoba isiawitu kuai dibukitane ja (Mateo 4:10; 6:9). Oko monikatamo tiji Jesú awai isia kuai dibukitane ja, tai ka obojona asiraja kuare wabae tiji (Juan 14:6). Jeoba obononaja oko kuai dibukore dibu tai jese o karata eku jabataja jakutai dibumejerei. Oko kuai dibukore ka obojona isiawitu dibukitane ja Jeoba tane obonoya. Mateo 6:7; Filipos 4:6, 7 teribu.

Oko inaretane kuai dibukore kanonatu ka dibu nokoya (1 Samuel 1:12, 13). Jeoba ka dibuya are oko kuai dibakuna, aniako karamakore, najorokitane ebe, ubakitane ebe sanamatayakore arakate. 1 Pedro 5:7; Mateo 15:36 teribu.

3. Katukeme oko kiritianotuma nomewitu isiko orikuare nakakitane ja?

Tamaja daina eku warao erajawitu Dio isia nome abanaja. Dio akarata dibuya Dio warao kokotuka orikaika abate waraotuma tamaja dibu ekotubuya. Taisi kuare ama Dio amuaraisa takitane taerakuna. (2 Timoteo 3:1, 4; 2 Pedro 3:3, 13). Tiame oko kiritianotuma daisa nomewitu isiko  orikuare nakakitane ja dibu yakera nokokitane. Tatuma arakate obonoya oko dibu yakera tatuma saba dibumejerei.Ebereo 10:24, 25 teribu.

Oko orikuare nakakore waraotuma Dio obonoyakutai isiko oko kuana Dio amuaraisa tate. Jeoba arewaramo orikuare nakakore oko daisa nome abayaja mia, tamaja ka sanetaya nome taera abakitane. Roma 1:11, 12 teribu.

4. Katukane iji Dio amuaraisa takuna?

Iji obonobukore Dio akarata eku Dio isia naminajakutai, tamaja ji sanetate Jeoba amuaraisa takitane. Dio anona jakutai, adeirituma, aribu yakera isia obonobu. Iji Dio isia obonobukore dakate kuai dibukore ji sanetate naminakitane Dio ka obonoyawitu. Arakate Dio aobonobu yakeraja eku abakitane naminate. 1 Timoteo 4:15,16 teribu

Katukane iji Dio amuaraisa tate? Dio isia nome abakore arakate aobonobu eku abakore. Oko Dio akarata dibuyakutai isia nome abakore Dio isia nome taera abate, tamaja namuna monuka oko oboneakore nojotomejerei are jo yanajokitane ja. Mateo 4:4; Ebereo 11:1, 6 teribu.

5. Katukeme ka saba yakera Dio amuaraisa takore?

Jeoba warao tai obonoyakutai obonoya. Jeoba ka yaorote are nome taera abakitane arakate ka yaorote oko wakamejerei are jakitane (1 Pedro 3:12). Jeoba ka dibuya nona katukaja ka tejo saba asira, nona katukaja ka oriwaka saba asira, arakate ka inaminaya katukane oko ama yakera jakuna. Santiago 1:25; 4:4, 8 teribu.