Contenido ata narukitane

Menú secundario sabasaba naru

índice sabasaba naru

Jeoba Arewaramo

warao

Deje yakeraja Dio isimo

 LECCIÓN 13

Sina Dio akarata religión isia dibuya?

Sina Dio akarata religión isia dibuya?

1. Religiontuma kokotuka yakera?

Religiontuma kokotuka eku warao yakeraja Dio isia nome abaya ja. Oko naminakore Dio tatuma obonoya arakate isia obonobuya tamaja deje yakera. Tiarone warao eraja areligión isia daisama isanamataya arakate anona asirajawitu nonaubuae (2 Corinto 4:3, 4; 11:13-15). Oko televisión radio eku nokoae damana religiontuma orikuba isia warao eraja wabamejerei sanetaya, arakate nobotomo isiko asirajawitu nonaya. Waraotuma aobojona yakera jakutai aruanerawitu tamaja naminakore! Mateo 24:3-5, 11, 12 teribu.

Religión nomewitu Jeoba yatomanetea, religión nomeana tai yatomanetenaja. Tamaja Dio isia wisa inaminaya, religión nomeana inaminaya warao asiraja wabakore Dio jekununoko eku toaya are sanamatakitane arakate inaminaya warao yakera wabakore najamutu ata naria, dibu Dio akarata eku ekirakutai inaminaya. Tiarone Jeoba obonoyawitu warao tai isia nome naminamejerei. Roma 6:23; 1 Timoteo 2:3-5 teribu.

2. Sina Dio akarata religión isia dibuya?

Warao damana Dio imasibukitane obonoya dibukore tatuma Dio obonoya, tamaja wisa. Tatuma Satanás araina amuaraisa takitane obonoya tiarone tatuma Dio imasibukomoni (Santiago 4:4). Dio akarata dibuya religiontuma nomeana kokotuka awai “Babilonia Uriraja”, Babilonia janokoina nobo awai jae tatukamo religión nomeana ejobonae, joiraira nokabuka Noé jakore. Ya jisaka eku utirajawituana Dio dubujira religiontuma waraotuma imasibuyakutai iasiratayakutai ekorate. Emusabataja 17:1, 2, 5, 16, 17; 18:8 teribu..

Waraotuma yakeraja mate religiontuma nomeana eku ja, Jeoba tatuma sanetakitane obonoya tiame orikaika abaya ja. Katukane isia? Dio tatuma nome inaminaya ja. Juan 6:45 teribu.

 3. Sina warao yakeraja nonakitane ja?

Religión nomewitu ka sanetaya orikaika jakitane

Waraotuma nome obonoyakutai yakera nonakitane obonoyakutai arakate Jeoba tatuma isia obonobuya. Tiame Jeoba tatuma inaminaya religión nomeana iabamejerei. Waraotuma Jeoba obonoyakore tatuma yakerajakutai nonate Jeoba oriwakamejerei. Emusabataja 18:4 teribu.

Nokabuka Jesú wabakore, waraotuma yakera eraja apostoltuma adeje yakera oriwakane nokobuae. Jeoba tatuma inaminae katukane yakera jakuna, arakate inaminae yakerajakutai wakakitane. Tatuma monuka oko dibu yakera Dio akarata ekumo nokokore Jeoba ka saba yakerawitu tate. 1 Tesalónica 1:8, 9; 2:13 teribu.

Waraotuma religión nomeana iabakore religión nomewituata narumejerei Jeoba oriwakaya. Tatuma kokotuka Jeoba amuaraisa jame oriwakaya, Jeoba ayatomanetemo isiko oriobonoyaja jate arakate are jakitane wakate. Yakeraja naoyakutai iji jakitane obonoya? Marcos 10:29, 30; 2 Corinto 6:17, 18 teribu.

4. Sina Dio nonate daina arao kokotukanea oriwakamejerei?

Jeoba religión nomeana ekorakore daina arao kokotuka nomewitu oriwakate. Dijana religión nomeana waraotuma imasibunatate, waraotuma emo emo tane abanatate. Warao kokotuka Dio nomerajawitu yatomanetete. Tamaja seke deje yakera! Emusabataja 18:20, 21; 21:3, 4 teribu.