Contenido ata narukitane

Menú secundario sabasaba naru

índice sabasaba naru

Jeoba Arewaramo

warao

Deje yakeraja Dio isimo

 LECCIÓN 11

Katukane Dio akajotabutuma ka sanetaya?

Katukane Dio akajotabutuma ka sanetaya?

1. Katukeme oko obonoya ka sanetamejerei yakera jakitane?

Katukane Dio akajotabutuma ka sanetaya oriyaoromejerei?(SALMO 36:9)

Jeoba karima ka kuarika naminaya ka nonatu tiji. Arakate ka obonoya ka isia obonobuya. Jeoba obononatanae oko tai emo jamejerei (Jeremías 10:23). Oko Jeoba asaneta obonoya nobotomo arimatuma asaneta obonoyaja monuka (Isaías 48:17, 18). Dio ka sanetaya akajotabu ka moakore. 2 Timoteo 3:16 teribu.

Jeoba akajotabutuma ka inaminaya katukane oko yakerawitu jakuna arakate katukane ya jisaka eku utirajawituana are yakera jate. Jeoba ka nonae tiji dibu ka moakore oko eku abakitane ja. Roma 15:4; Emusabataja 4:11 teribu.

2. Sina tai Dio akajotabutuma?

Kajotabutuma Dio akarata eku jakutai tai dibu nome. Tamaja dibu ka sanetaya obonobukitane sina oko nonakitane ja yakera jamejerei. Tiarone kawanuka kajotabutuma nona jisakawitu saba ja (Anona 15:29). Oko naminakitane katukane Dio akajotabu jisaka eku abakuna, awajiabara obonobukitane ja (Efeso 5:15). Tiame obonobuki katukane Dio akajotabu ka sanetaya, Dio akarata dibia Dio ka nonae tai aobojona oko dijawaraya. Tamaja dibu ka dibia yaotayakore, ka janoko eku jakore arakate baseatakitane narukore oriyaorokitane ja. Anona 17:28 teribu.

3. Katukaja kajotabutuma manamo kokotuka kuarika?

Jesú kajotabutuma manamo yakerajawitu isia dibunae. Kajotabu awajiabara dibia katukeme Dio ka nonae: kanonatu isia naminakitane, tai obonokitane arakate tai saba are yaotakitane. Ka nona kokotuka eku oko  tamaja kajotabu isia obonobukitane ja (Colosas 3:17). Warao tamaja kajotabu eku abakore Dio amuaraisa tate nomewitu oriwakate arakate are jate. Mateo 22:36-38 teribu.

Kajotabu araisa jakutai ka sanetaya daisatuma isiko are yakera jakitane (1 Corinto 13:4-7). Tamaja kajotabu eku abakore oko daisama dibu yakera dibate Dio monukajese. Mateo 7:12; 22:39, 40 teribu.

4. Katukane Dio akajotabutuma ka sanetaya?

Dio akajotabutuma oriwaraotuma sanetaya oriobonokitane orikaika jakitane (Colosa 3:12-14). Dio akajotabutuma kawanamo jisaka oriwarao yoroya, tamaja kajotabu inaminaya orinisamo are orikaika jakitane. Mateo 19:5 teribu.

Arakate Dio akajotabutuma eku abakore ka sanetaya yakera jakitane inareraja jakitane. Damana airamotuma yaotamo najobuya Dio akajotabu eku abayakutai tiame nona yakera nonaya arakate ayaota yakera nonaya (Efeso 4:28; Ebereo 13:18). Arakate Dio aribu ka inaminaya ka najoro jakore ka jiaka jakore oriwakakitane tiame oko taeraja yaotanaja burata eraja jakitane, oko taeraja yaotaya Dio araisa takitane. Mateo 6:24, 25, 33; 1 Timoteo 6:8-10 teribu.

Dio akajotabu eku abakore ka sanetaya ka tejo yakera jakitane (Proverbios 14:30; Efeso 4:31,32). Dio akajotabu awabamo isia ja, tamaja kajotabu eku abakore oriyaorote nobaranaka wabanaka takitane (Roma 13:13). Jeoba iabaya arija manuka jobimejerei awabanaka takitane (Salmo 104:15; 1 Corinto 6:10). Dio akajotabutuma ka saba yakera, ka sanetaya ka nona obonobu tane yaoromejerei (Salmo 119:97-100). Kiritianotuma nomewitu Dio akajotabu eku abaya ka saba yakera tiji, tiarone oko Dio akajotabutuma eku abaya karima najamutu ata jakutai Jeoba yatomanetekitane. Mateo 5:14-16 teribu.