Contenido ata narukitane

Menú secundario sabasaba naru

índice sabasaba naru

Jeoba Arewaramo

warao

Deje yakeraja Dio isimo

 LECCIÓN 9

Katukane oko takuna ka oriwarao oriwakamejerei?

Katukane oko takuna ka oriwarao oriwakamejerei?

1. Katukeme nibora tira tane orinisakore awai karata eku jabatakitane ja?

Jeoba yakera jame obonoya oriwaraotuma oriwakamejerei, tiame deje yakeraja ja oriwaraotuma saba (1 Timoteo 1:11). Jeoba Adan Eva tane nonakore orinisanae. Nibora tira tane orinisakore awai akarata eku jabatakitane ja tuatane nonakore dimatuma nobotomo yakera enojotoya, arakate oriwakate. Kobieno akajotabu ja yorimojo isia tiame kiritianotuma tamaja kajotabu eku abakitane ja. Lucas 2:1, 4, 5 teribu.

Dio obonea nibora atira tane orinisakore are orikaika jakitane ja. Jeoba obonoya yorimojo eku anibora atira tane orikaika ubakitane ja daisama isiko ubanaka. (Ebereo 13:4). Nibora tira tane orinisajakutai oriemo narukore Jeoba saba asirawitu (Malaquías 2:16). Tiarone nibora o tira daisa isiko ubakore Jeoba iabaya nibora o tira jakutai atanejese daisa nisamejerei. Mateo 19:3-6, 9 teribu.

2. Katukane nibora tira tane oriteribukitane ja?

Jeoba nibora tira tane nonae yorimojo eku orisanetamejerei (Awajiabara 2:18). Tirabaka jakutai atirasi akua tiame oriwaroatuma saba najoro moakitane ja arakate Dio isia inaminakitane ja, arakate atirasi kuana obonokitane ja tai saba yakerakutai najobukitane ja. Tirabaka niborabaka tane oriobonokitane ja oriyatomanetekitane ja. Yorimojo eku orisaba asiraja ejobakore orikware asiraja abanaka jakitane ja oriaobojona asiraja iabakitane ja. Tane nonakore oriwakate. Efeso 4:31, 32; 5:22-25, 33; 1 Pedro 3:7 teribu.

3. Yorimojo eku oriwakanajakore oriemo narukitane ja?

Orinisamo monikata jakore, deko najobukitane ja oriobonomejerei (1 Corinto 13:4, 5). Dio akarata dibia  orinisamo monikata jakore oriemo narunaka jakitane ja. 1 Corinto 7:10-13 teribu.

4. Sina Dio nobotomo saba obonoya?

Jeoba obonoya nobotomo oriwakamejerei. Tiame inaminaya katukane nebutuma oriwakakuna. Arakate obonoya nobotomo arimatuma aribu nokoya yakera jamejerei (Colosas 3:20). Jeoba obonea “neburatu jakore oriwakamejerei” tai saba auka saba yaotakore (Eclesiastés 11:9–12:1). Mateo 19:13-15; 21:15, 16 teribu.

5. Katukane arimatuma anobotomo sanetakuna oriwakamejerei?

Arimatuma anobotomo saba najoro, janoko, arakate jiaka moakitane ja (1 Timoteo 5:8). Arakate dimatuma anobotomo inaminakitane ja Dio obonomejerei, sitamejerei tane (Deuteronomio 6:4-7). Nobotomo dimatuma Jeoba obonoyaja mikore tatuma dakate Jeoba kuana obonote. Dimatuma anobotomo sanukiraja atamo Dio aribu isia inaminakore tatuma obojona yakera jate. Efeso 6:4; 2 Timoteo 3:15 teribu.

Nobotomo yakera jakutai nonakore tatuma obonoya arimatuma dibu yakera isia dibumejerei. Arakate dimatuma anobotomo deirikitane ja, tane nonakore tatuma yakera jate (Proverbios 22:15). Arimatuma adeiri taerajena jakitane ja. Colosas 3:21 teribu.

Jeoba arewaramo karata eraja ja Dio akarata ekumo arimatuma anobotomo tane saba. 2 Timoteo 3:16 teribu.