Pakadto ha sulod

Ano an Nagmamando nga Lawas han mga Saksi ni Jehova?

Ano an Nagmamando nga Lawas han mga Saksi ni Jehova?

 An Nagmamando nga Lawas usa nga gutiay nga grupo han hamtong nga mga Kristiano nga naghahatag hin giya ha mga Saksi ni Jehova ha bug-os nga kalibotan. May-ada hira duha nga nangunguna nga buruhaton:

 Ginsusunod han Nagmamando nga Lawas an ehemplo han “mga apostol ngan mga tigurang ha Jerusalem” ha siyahan nga siglo nga naghimo hin importante nga mga desisyon para ha ngatanan nga kongregasyon han mga Kristiano. (Buhat 15:2) Pariho hito nga matinumanon nga kalalakin-an, an mga membro han Nagmamando nga Lawas diri amo an mga lider han amon organisasyon. Namimiling hira hin giya ha Biblia, ngan ginkikilala nga ginpili ni Jehova nga Dios hi Jesu-Kristo sugad nga Ulo han kongregasyon.—1 Corinto 11:3; Efeso 5:23.

Hin-o an mga membro han Nagmamando nga Lawas?

 An mga membro han Nagmamando nga Lawas amo hira Kenneth Cook, Jr., Gage Fleegle, Samuel Herd, Geoffrey Jackson, Stephen Lett, Gerrit Lösch, Mark Sanderson, David Splane, ngan Jeffrey Winder. Nag-aalagad hira ha amon world headquarters ha Warwick, New York, U.S.A.

Paonan-o gin-oorganisar an Nagmamando nga Lawas?

 An Nagmamando nga Lawas nagporma hin unom nga komite basi manginano ha iba-iba nga bahin han amon buruhaton, ngan an tagsa nga membro nag-aalagad ha usa o damu pa hini nga mga komite.

  •   Coordinators’ Committee: Gin-aasikaso hini an legal nga mga isyu ngan nanginginano kon may-ada mga kalamidad, pagtimaraot ha mga Saksi ni Jehova tungod han ira relihiyoso nga gintotoohan, ngan iba pa nga butang nga nakakaapekto ha mga Saksi ni Jehova nga kinahanglan dayon asikasuhon.

  •   Personnel Committee: Ginpapanginano hini an mga kahikayan para ha mga membro han pamilya han Bethel.

  •   Publishing Committee: Ginpapanginano hini an paghimo ngan pagpadara han basado ha Biblia nga mga literatura ngan pagtukod hin mga lugar han pagsingba, mga translation office, ngan mga pasilidad ha branch office.

  •   Service Committee: Ginpapanginano hini an amon buruhaton nga pagsangyaw han “maopay nga sumat han Ginhadian.”—Mateo 24:14.

  •   Teaching Committee: Ginpapangunahan hini an pag-andam hin espirituwal nga mga instruksyon nga ginhahatag pinaagi ha mga katirok, mga eskwelahan, ngan audio ngan video nga mga programa.

  •   Writing Committee: Ginpapangunahan hini an pag-andam hin espirituwal nga mga instruksyon nga ginhahatag ha inimprinta man o ha amon website ngan nanginginano ha paghubad nga buruhaton.

 Labot la han ira mga buruhaton hini nga mga komite, an Nagmamando nga Lawas nagmimiting kada semana basi hisgotan an mga panginahanglan han organisasyon. Hini nga mga miting, ginhihisgotan han mga membro kon ano an ginsisiring han Kasuratan, ngan gintutugotan nira an baraan nga espiritu han Dios nga maggiya ha ira, basi makahimo hin urosa nga mga desisyon.—Buhat 15:25.

Hin-o an mga kabulig han Nagmamando nga Lawas?

 Hira an matataporan nga mga Kristiano nga nabulig ha mga komite han Nagmamando nga Lawas. (1 Corinto 4:2) May-ada hira abilidad ngan eksperyensya ha buruhaton nga ginpapanginano han komite diin hira igintoka, ngan naatender hira ha sinemana nga miting hito nga komite. Bisan kon diri hira an naghihimo hin mga desisyon, an mga kabulig naghahatag hin mapulsanon nga mga sagdon ngan dugang nga impormasyon, nagpapatuman han mga desisyon han mga komite, ngan nanginginano ha mga resulta ngan pag-uswag hini nga mga desisyon. Puydi liwat hira tokahan han Nagmamando nga Lawas nga bisitahon an kabugtoan ha iba-iba nga bahin han kalibotan o magpresenta hin mga bahin ha mga okasyon sugad han tinuig nga mga katirok o graduation han Gilead.

LISTA HAN MGA KABULIG

Komite

Ngaran

Coordinators’

  • Ekrann, John

  • Gillies, Paul

  • Snyder, Troy

Personnel

  • Grizzle, Gerald

  • LaFranca, Patrick

  • Molchan, Daniel

  • Walls, Ralph

Publishing

  • Butler, Robert

  • Corkern, Harold

  • Glockentin, Gajus

  • Gordon, Donald

  • Luccioni, Robert

  • Reinmueller, Alex

  • Sinclair, David

Service

  • Breaux, Gary

  • Dellinger, Joel

  • Georges, Betty

  • Griffin, Anthony

  • Hyatt, Seth

  • Jedele, Jody

  • Mavor, Christopher

  • Perla, Baltasar, Jr.

  • Smith, Jonathan

  • Turner, William, Jr.

  • Weaver, Leon, Jr.

Teaching

  • Curzan, Ronald

  • Flodin, Kenneth

  • Malenfant, William

  • Noumair, Mark

  • Schafer, David

Writing

  • Ahladis, Nicholas

  • Christensen, Per

  • Ciranko, Robert

  • Godburn, Kenneth

  • Mantz, James

  • Marais, Izak

  • Martin, Clive

  • Myers, Leonard

  • Smalley, Gene

  • van Selm, Hermanus