Pakadto ha sulod

Paonan-o Ginsusuportaran an Buruhaton han mga Saksi ni Jehova?

Paonan-o Ginsusuportaran an Buruhaton han mga Saksi ni Jehova?

An amon pagsangyaw nga buruhaton siyahan nga ginsusuportaran han boluntaryo nga mga donasyon han mga Saksi ni Jehova. Waray pangulekta nga ginhihimo ha amon mga katirok, ngan an mga membro diri gin-oobligar nga maghatag han ikanapulo. (Mateo 10:7, 8) Lugod, may mga kahon para han donasyon nga makikita ha amon mga katirokan basi makagdonar an bisan hin-o nga naruruyag pagbuhat hito. An mga nagdudonar diri nagpapakilala.

An usa nga rason nga diri daku an amon gasto kay waray kami ginsusweldohan nga klero. Dugang pa, an mga Saksi diri ginsusweldohan ha pagbalay-balay, ngan simple la an amon mga lugar han pagsingba.

An bisan ano nga donasyon nga iginpapadara ha mga sanga nga opisina han mga Saksi ni Jehova ginagamit ha pagbulig ha mga biktima hin kalamidad, ha pagsuporta ha amon mga misyonero ngan nagbibiyahe nga mga ministro, ha pagtukod han amon mga lugar han pagsingba ha pobre nga mga nasud, ngan ha pag-imprinta ngan pagpadara hin mga Biblia ngan iba pa nga Kristiano nga mga publikasyon.

An kada tagsa an nagdidesisyon kon magdudonar hiya para ha lokal nga mga kagarastohan, para ha amon bug-os-kalibotan nga buruhaton, o para hito nga duha. An tagsa nga kongregasyon naghahatag hin regular nga report han kwenta basi mahibaroan han mga membro hito.