Pakadto ha sulod

Ano an Pag-aram ha Biblia?

Ano an Pag-aram ha Biblia?

An mga Saksi ni Jehova nagtatanyag hin programa han pag-aram ha Biblia. Ginbabaton hito an damu nga pakiana sugad han:

  • Hin-o an Dios?

  • Nagtatagad gud ba an Dios ha akon?

  • Paonan-o ko mapapauswag an amon pag-asawa?

  • Paonan-o magigin malipayon an akon kinabuhi?

Makikita mo ha ubos an mga baton ha komon nga mga pakiana mahitungod ha amon programa han pag-aram ha Biblia.

Paonan-o ginhihimo an pag-aram? Ginhihisgotan namon an mga topiko sugad han mahitungod ha “Dios” o “pag-asawa” ngan gin-uusisa an iba-iba nga teksto ha Biblia nga may kalabotan hito. Pinaagi ha pagtanding han mga teksto, nakikita namon kon ano an ginsisiring han Biblia mahitungod han topiko, ngan hito nga paagi an Biblia mismo an amon ginpapasaysay ha kon ano an ginsisiring hito.

Basi mabuligan ha pag-aram ha Biblia, ginagamit namon an libro nga Ano Gud ba an Igintututdo han Biblia? Matin-aw nga iginsasaysay hini nga libro kon ano gud an ginsisiring han Biblia ha mga topiko mahitungod ha Dios, kan Jesus, ha aton tidaraon, ngan iba pa.

Pira an bayad han pag-aram ha Biblia? Libre an pag-aram pati an mga publikasyon nga ginagamit ha pag-aram.

Ano kaiha an tagsa nga pag-aram? Damu nga tawo an naggagahin hin usa ka oras o sobra pa kada semana ha pag-aram ha Biblia upod namon. Pero puydi burobag-uhon an kaihaon han pag-aram. Ipapahiuyon namon ito ha imo eskedyol.

Ano an mahitatabo kon maghangyo ako hin pag-aram ha Biblia? Kon maghangyo ka hin pag-aram ha Biblia, usa nga Saksi ni Jehova an mabisita ha imo ha oras ngan lugar nga kombinyente ha imo. Ipapakita niya ha imo hin pipira ka minuto kon paonan-o ginbubuhat an pag-aram. Kon maruyagan mo ito, puydi ka magpadayon.

Kon kumarawat ako hin pag-aram ha Biblia, obligado ba ako nga magin Saksi ni Jehova? Diri. An mga Saksi ni Jehova nalilipay pagtutdo ha mga tawo mahitungod han Biblia, pero diri gud namon ginpipirit an bisan hin-o nga magin membro han amon relihiyon. Lugod, matinalahuron nga iginsusumat namon an ginsisiring han Biblia kay maaram kami nga an kada tagsa may katungod ha pagpili kon ano an iya karuyag toohan.—1 Pedro 3:15.