Pakadto ha sulod

Nahibaro Hiya Tikang ha mga Priso

Nahibaro Hiya Tikang ha mga Priso

Han 2011, may usa nga lalaki nga taga-Eritrea nga kinadto ha Norway sugad nga refugee. Han may nakaistorya hiya nga mga Saksi ni Jehova, ginsumatan niya hira nga may nakilala hiya nga mga Saksi ha iya lugar. Nagsiring hiya nga han sundalo pa hiya ha Eritrea, nakita niya an mga Saksi nga ginpriso tungod han ira pagtoo nga diniri gud pagsundalo bisan pa han ginmaltrato hira.

May nahitabo ha kinabuhi hito nga lalaki, salit napriso hiya. Nakaupod niya ha prisohan an tulo nga Saksi—hira Paulos Eyasu, Negede Teklemariam, ngan Isaac Mogos—nga ginpriso tungod han ira pagtoo tikang pa han 1994.

Ha prisohan, nakita mismo hini nga lalaki nga ginbubuhat gud han mga Saksi ni Jehova an ira igintututdo. Napansin niya nga tangkod hira ngan gintatagan pa ngani nira an iba nga priso han ira pagkaon. Nakita liwat niya nga urosa nga gin-aadman nira an Biblia adlaw-adlaw ngan gin-iimbitar an iba nga umapi ha ira. Han ginsidngan hira nga papagawson hira kon mapirma hira hin dokumento nga nasiring nga diri na hira magsa-Saksi, diniri hira.

Waray hingalimti hini nga lalaki ito nga iya eksperyensya, ngan han binalhin na hiya ha Norway, karuyag niya mahibaroan kon kay ano nga sugad hito karig-on an pagtoo han mga Saksi ni Jehova. Salit han may nakaistorya hiya nga mga Saksi, nagpa-Bible study dayon hiya ngan tinambong ha mga katirok.

Han Septyembre 2018, nabawtismohan hiya sugad nga Saksi ni Jehova. Yana, ginsasalingabot niya an ngatanan nga higayon nga makaistorya an mga taga-Eritrea ngan Sudan, ngan gin-aaghat niya hira nga mag-aram han Biblia basi magkaada hira marig-on nga pagtoo.