Waray laranga han Dios an Yawa. Lugod, naglarang hiya hin anghel nga ha urhi nagin an Yawa, nga gintatawag liwat nga Satanas. Hi Jesus nagsiring nga hadto, an Yawa tangkod ngan waray sala. Ha siyahan, an Yawa usa nga matadong nga anghel nga anak han Dios.—Basaha an Juan 8:44.

Ginpili han anghel nga nagin Yawa nga kontrahon an Dios ngan aghaton an siyahan nga mag-asawa nga magrebelde kaupod ha iya. Hito nga paagi ginhimo niya an iya kalugaringon nga Satanas, nangangahulogan hin “Parakontra.”—Basaha an Genesis 3:1-5; Pahayag 12:9.

Pariho ha iba nga intelihente nga mga linarang han Dios, an anghel nga nagin Yawa may kagawasan ha pagpili ha pagbuhat han husto o sayop, kondi naghingyap hiya nga singbahon. Ito nga hingyap mas makusog kay han iya hingyap nga lipayon an Dios.—Basaha an Mateo 4:8, 9; Jakobo 1:13, 14.

Paonan-o padayon nga gin-iimpluwensyahan han Yawa an mga tawo? Sadang ka ba mahadlok ha iya? Mabibilngan mo an baton hini nga mga pakiana ha Biblia.