Pakadto ha sulod

Pakadto ha mga sulod

 BULIG PARA MAKAYA AN ISTRES

Posible an Kinabuhi nga Waray Istres

Posible an Kinabuhi nga Waray Istres

An kinaadman nga aada ha Biblia makakabulig ha aton nga malikayan an diri ginkikinahanglan nga istres. Diri naton kaya wad-on an tanan nga nakakaistres ha aton. Pero kaya ito han aton Maglalarang. Nagtoka pa ngani hiya hin mabulig ha aton​—hi Jesu-Kristo. Diri na mag-iiha, mas damu pa nga urusahon nga butang an iya bubuhaton kay han nakanhi hiya ha tuna, ngan papahinaboon niya ito ha bug-os nga kalibotan. Pananglitan:

TATAMBALON NI JESUS AN MAY SAKIT, SUGAD HAN IYA GINBUHAT HADTO.

“Gindara nira ha iya an ngatanan nga nag-aantos hin magkalain-lain nga mga sakit . . . , ngan gintambal niya hira.”​—MATEO 4:24.

MAGTATAGANA HI JESUS HIN BALAY NGAN PAGKAON PARA HA NGATANAN.

“Magtutukod hira [an mamandoan han Kristo] hin mga balay ngan maukoy dida hito, ngan magtatanom hira hin mga urubasan ngan makaon han mga bunga hito. Diri hira magtutukod nga iba an maukoy, ngan diri hira magtatanom nga iba an makaon.”​—ISAIAS 65:21, 22.

AN PAGMANDO NI JESUS MAGRIRESULTA HIN KAMURAYAWAN NGAN SEGURIDAD HA BUG-OS NGA KALIBOTAN.

“Ha iya mga adlaw an magtadong mag-uuswag, ngan an kamurayawan magigin hura tubtob nga an bulan mawara na. Magkakaada hiya hin mga sakop tikang ha usa nga dagat tubtob ha lain nga dagat ngan tikang ha Salog tubtob ha mga sidsid han tuna. . . . An iya mga kaaway magdidila han tapotapo.”​—SALMO 72:7-9.

WAWAD-ON NI JESUS AN KAWARAY-HUSTISYA.

“Malolooy hiya ha ubos nga tawo ngan ha pobre, ngan an kinabuhi han mga pobre iya tatalwason. Iya tatalwason hira tikang ha panalumpigos ngan kamadarahog.”​—SALMO 72:13, 14.

 WAWAD-ON NI JESUS BISAN AN PAG-ANTOS NGAN KAMATAYON.

“Mawawara na an kamatayon, pati an kabidoan, pagtangis, ngan kasakit.”​—PAHAYAG 21:4.