Ano an Ginsisiring han Biblia?
Ginbabaton ba han Dios an ngatanan nga pag-ampo?
MASIRING KA BA NGA GINBABATON NIYA AN PAG-AMPO HAN . . .
Ngatanan
Pipira la
Waray bisan usa
KON ANO AN GINSISIRING HAN BIBLIA
“Hi Jehova harani ha ira ngatanan . . . nga nagsasangpit ha iya hin kamatuuran.”—Salmos 145:18.
ANO PA AN ATON MAHIBABAROAN HA BIBLIA?
Diri ginpapamatian han Dios an mga pag-ampo han mga nasupak ha iya. (Isaias 1:15) Kondi, mahimo hira magkaada maopay nga relasyon ha iya pinaagi ha pagbag-o han ira mga paagi.—Isaias 1:18.
Ginbabaton han Dios an usa nga pag-ampo kon uyon ito ha iya mga suruklan nga mababasa ha Biblia.—1 Juan 5:14.
Kinahanglan ba an espisipiko nga posisyon han lawas kon nag-aampo kita?
AN IBA NATOO nga kon nag-aampo hira kinahanglan pirme nakaluhod, nakaduko, o aada ha may dughan an ira mga kamot. Ano ha imo hunahuna?
KON ANO AN GINSISIRING HAN BIBLIA
Ginkarawat han Dios an mga pag-ampo han mga ‘nalingkod’ o ‘natindog’ o hadton “nahapa” o ‘naluhod.’ (1 Kronikas 17:16; 2 Kronikas 30:27; Esra 10:1; Buhat 9:40) Diri hiya nag-oobligar hin espisipiko nga posisyon han lawas kon kita nag-aampo.
ANO PA AN ATON MAHIBABAROAN HA BIBLIA?
Namamati an Dios ha mga mapainubsanon.—Salmos 138:6.
Mahimo ka mag-ampo ha bisan ano nga yinaknan, o bisan ha hilom la.—2 Kronikas 6:32, 33; Nehemia 2:1-6.
