Ano an imo baton?

• Oo

• Diri

• Bangin

Kon ano an ginsisiring han Biblia

Ilarom han pagmando ni Jesu-Kristo, “magkakaada kahuraan hin kamurayawan, ngadto ha diri pagsirang han bulan,” karuyag sidngon, tubtob ha waray kataposan.—Salmos 72:7.

Ano pa an aton mahibabaroan ha Biblia?

• An magraot nga tawo pagwawad-on ha tuna basi an mag-opay nga tawo makabiling hin ‘kalipay ha kahuraan han kamurayawan.’—Salmos 37:10, 11.

• Pagwawad-on han Dios an girra.—Salmos 46:8, 9.

An iba natoo . . . nga imposible magkaada tinuod nga kamurayawan ha hunahuna samtang an kalibotan puno hin pag-antos ngan kawaray-hustisya. Ano ha imo hunahuna?

Kon ano an ginsisiring han Biblia

Bisan yana, adton duok ha Dios mahimo magkaada “kamurayawan han Dios nga labaw ha ngatanan nga pagsabot.”—Filipos 4:6, 7.

Ano pa an aton mahibabaroan ha Biblia?

• Nagsasaad an Dios ha pagwara han pag-antos ngan kawaray-hustisya, ngan ha ‘paghimo nga bag-o han ngatanan.’—Pahayag 21:4, 5.

• Mahimo kita magkaada kamurayawan ha hunahuna pinaagi ha pagtagbaw han aton “espirituwal nga panginahanglan.”—Mateo 5:3.